Transport vaziri OTB vakillari bilan uchrashdi
2025-03-25 15:00:00 / Yangiliklar
Transport vaziri Ilhom Maxkamov OTBning O‘zbekistondagi vakolatxonasi operatsion rahbari Mirzo-Iskandar G‘ulomov boshchiligidagi bank vakillari bilan uchrashdi.
Uchrashuvda tomonlar qo‘shma loyihalarning joriy holati, xususan, mintaqaviy ahamiyatga ega avtomobil yo‘llarini qurish va modernizatsiya qilish, shuningdek, jamoat transportida gender tengligini ta’minlash loyihalarini ilgari surish hamda Toshkentda e-Mobility dasturini rivojlantirish bilan bog‘liq masalalarni muhokama etishdi.
Shuningdek, uchrashuv davomida 2026-yilgacha mo‘ljallangan istiqbolli loyihalar portfeli ko‘rib chiqildi. Ilhom Maxkamov mintaqaviy yo‘llarni zarur jihozlar, jumladan, yo‘l belgilari, ajratuvchi to‘siqlar, yo‘l ko‘rsatkichlari va boshqa jihozlar bilan ta’minlash loyihasida OTBning ishtirok etishiga qiziqish bildirdi.