YeTTB bilan hamkorlikda Namangan va Nukus shahri jamoat transporti tizimi takomillashtiriladi
2025-03-13 15:00:00 / Yangiliklar
Mamlakatimiz shahar va tumanlarni ekologik toza jamoat transporti bilan to‘liq ta’minlash, xususan, Namangan hamda Nukus shahri jamoat transporti tizimini takomillashtirish va aholiga qulay yo‘lovchi tashish xizmatlarini yaratish maqsadida Yevropa tiklanish va taraqqiyot banki bilan hamkorlikda yirik loyihaga qo‘l urilmoqda.
YeTTB tomonidan moliyalashtirilayotgan loyiha jamoat transport tizimini xalqaro talablarga mos ravishda modernizatsiya qilishni nazarda tutadi. Loyiha doirasida zamonaviy harakat tarkiblarini xarid qilish va elektrobus parki (depo) tashkil etish ko‘zda tutilgan. Buyuk Britaniyaning “Atkins” kompaniyasi loyihaning texnik-iqtisodiy asoslarini ishlab chiqadi.
YeTTBning Osiyo mintaqasidagi vakili Nadejda Klyuchnikova boshchiligidagi ishchi guruh Namangan shahar hokimi Anvarjon Otaxodjayev bilan uchrashuvda loyihaning amaliy qadamlarini muhokama etdi.