Toshkentda "Central Asia Air Cargo III" xalqaro aviatsiya sammiti bo‘lib o‘tmoqda
2026-09-30 15:25:00 / Yangiliklar
Ikki kun davom etadigan tadbirda aviakompaniyalar, aeroportlar va transport kompaniyalari vakillari havo transporti logistikasi va yuk tashuvlarining dolzarb masalalariga alohida e’tibor qaratadi.
Xususan, tadbir ishtirokchilari mintaqada avia yuk tashuvlari hajmini oshirish, sohaga xalqaro standartlarni joriy etish, infratuzilmani rivojlantirish, raqamli transformatsiya hamda Markaziy Osiyoning global havo yuk tashish tizimidagi rolini kuchaytirish bilan bog‘liq jihatlarni muhokama etishadi.
Tadbir aviakompaniyalar, aeroportlar, ekspeditorlar, logistika xizmatlarini ko‘rsatuvchi kompaniyalar va texnologik korxonalar uchun g‘oyalar almashish, hamkorlik aloqalarini o‘rnatish hamda biznesning yangi imkoniyatlari bilan yaqindan tanishish bo‘yicha noyob maydon vazifasini o‘taydi.