O‘zbekiston ilk bor aeronavigatsiya sohasidagi ikkita yirik xalqaro tadbirga mezbonlik qilmoqda
2026-09-08 10:00:00 / Yangiliklar
Tadbir Yevropa va Osiyo aeronavigatsiya provayderlari hamda xalqaro aviatsiya tashkilotlari vakillarini bir maydonda jamladi.
Uchrashuvda Turkiya (DHMI), Ozarbayjon (AZANS), O‘zbekiston (Uzaeronavigation), Qirg‘iziston (Kyrgyzaeronavigatsia), Qozog‘iston (Kazaeronavigatsia), Tojikiston (Tajikairnavigation) va Vengriya (HungaroControl) vakillari ishtirok etishmoqda.
Yig‘ilish kun tartibidan SOCEA faoliyati natijalari, parvozlar xavfsizligining dolzarb masalalari, aeronavigatsiya provayderlari o‘rtasidagi hamkorlik va platformaning kelgusi rivojlanish yo‘nalishlari o‘rin olgan.
SOCEA – Yevropa va Osiyo uchun mintaqaviy aeronavigatsiya muvofiqlashtirish platformasi bo‘lib, havo harakatini boshqarish va aeronavigatsiya xavfsizligini taʼminlash, shuningdek, ushbu yo‘nalishda axborot va bilim almashishda hamkorlikni taʼminlash maqsadida tashkil etilgan.
9-sentyabr kuni CANSO Eurasia ANSP’s Summit o‘tkaziladi.
Sammitda havo harakatini boshqarish (ATM), aloqa, navigatsiya va kuzatuv (CNS) tizimlarini rivojlantirish, sun’iy intellektdan foydalanish, Green ATM, havodagi harakat oqimlarini boshqarish (ATFM), havo makonidan samarali foydalanish hamda aeronavigatsiya provayderlari o‘rtasida transchegaraviy muvofiqlashtirish masalalari muhokama qilinadi.