Oʻzbekiston Respublikasi Transport vazirligi

Davra suhbatida Transport sohasi kadrlarini qayta tayyorlash va malakasini oshirish instituti rahbar o‘rinbosari, bo‘lim boshliqlari va mutaxassislari, “Toshshahartransxizmat AJ boshqaruvi raisi o‘rinbosari, harakat xavfsizligi nazorati bo‘yicha mas’ul xodimlari, avtobus saroylari filiallari harakat xavfsizligi bo‘limlari boshliqlari, Toshkent shahar transport va yo‘l-transport infratuzilmani rivojlantirish boshqarmasi vakillari, “DB Engineering & Consalting Gmbh” tomonidan tayyorlangan mahalliy haydovchi-yo‘riqchilar, avtobus haydovchilari, amaliyotchi mutaxassislar ishtirok etishdi.

Davra suhbati ishtirokchilari tomonidan “Yo‘lovchi tashish xizmatlari sifatini oshirishda avtobus haydovchilari malakasini oshirishning ahamiyati”, “Jamoat transporti avtobus haydovchilarining kasbiy bilimi, ko‘nikmasi va mahoratini oshirish jarayonlari” atroflicha ko‘rib chiqildi.

Shuningdek, jamoat transporti avtobus haydovchilari malakasini oshirish sohasida xorijiy davlatlar tajribasiga doir taqdimot o‘tkazilib, Yevropa ittifoqi davlatlari, Xitoy, Yaponiya, Singapur, Nedrlandiya, Avstraliya davlatlarida jamoat transporti avtobus haydovchilari malakasini oshirish tizimi, malaka oshirish dasturlari mazmuni bilan tanishildi.

Tadbir davomida amaliyotchi mutaxassislar tomonidan jamoat transporti avtobus haydovchilari malakasini oshirish tizimini takomillashtirish, malaka oshirish jarayonlarida haydovchilarni yo‘l harakati xavfsizligi talablari, zamonaviy transport texnologiyalari, ekologik talablar hamda xizmat ko‘rsatish sifati mezonlari asosida yo‘lovchi tashish xizmatlarini samarali tashkil etish bo‘yicha zarur kasbiy kompetensiyalarini shakllantirish yuzasidan taklif va tavsiyalar bildirildi.

Shuningdek, davra suhbatida Transport sohasi kadrlarini qayta tayyorlash va malakasini oshirish instituti tomonidan ishlab chiqilgan “Jamoat transportining avtobuslarida yo‘lovchilarga tashish xizmatlarini ko‘rsatish yo‘nalishi” bo‘yicha jamoat transporti avtobus haydovchilari malakasini oshirish o‘quv kursining takomillashtirilgan Yevropa mamlakatlari va milliy ta’lim dasturlari uyg‘unlashtirilgan o‘quv dasturi loyihasi atroflicha ko‘rib chiqilib, dastur loyihasi ma’qullandi.

Davra suhbati yakunida transport sohasida xalqaro tajriba asosida malaka oshirish tizimini rivojlantirishga doir yo‘nalishlar belgilab olindi.