“SHHT mamlakatlari uchun aqlli jamoat transporti va “yashil” shaharlarning barqaror rivojlanishi” mavzusida xalqaro seminar
2026-07-06 09:00:00 / Yangiliklar
Mintaqaviy transport tarmog‘ini rivojlantirishda strategik ahamiyatga ega bo‘lgan mazkur tadbirda Transport vazirligi, Toshkent davlat transport universiteti hamda Transport nazorati inspeksiyasi xodimlari faol ishtirok etmoqda.
Ushbu yirik seminarda O‘zbekiston, Qozog‘iston, Tojikiston, Shri-Lanka va Surinamdan tashrif buyurgan davlat xizmatchilari, olimlar hamda sohaga ixtisoslashgan mutaxassislar intellektual transport tizimida joriy etilayotgan eng so‘nggi zamonaviy tendensiyalar hamda innovatsion yechimlar bilan yaqindan tanishmoqdalar.
Mazkur seminar transport sohasida xalqaro hamkorlikni mustahkamlash, jamoat transporti va infratuzilmasini rivojlantirish hamda yirik mintaqaviy loyihalarni samarali boshqarish bo‘yicha ilg‘or tajribalar almashish maqsadida tashkil etilgan.
Seminar doirasida xalqaro mutaxassislar bilan birgalikda intellektual transport tizimlari, jamoat transportini raqamlashtirish, zamonaviy temir yo‘l infratuzilmasi, logistika, shahar mobilligi hamda "yashil" shaharlarni barqaror rivojlantirish, bunda innovatsion yechimlarni joriy etish kabi masalalar tahlil qilinmoqda.