Oʻzbekiston Respublikasi Transport vazirligi

Tomonlar O‘zbekiston Respublikasi ehtiyojlari uchun 10 ta zamonaviy elektropoyezd yetkazib berish bo‘yicha shartnoma tuzdilar. Loyiha mamlakat temir yo‘l infratuzilmasini modernizatsiya qilishga qaratilgan.

Uning amalga oshirilishi ilg‘or Yevropa texnologiyalaridan foydalangan holda harakatlanuvchi tarkib parkini yangilash, yo‘lovchi tashish sifati va qulayligini xalqaro xavfsizlik va energiya samaradorligi standartlari darajasiga ko‘tarish imkonini beradi.

Tashabbusning muhim qismi – O‘zbekistonda texnik xizmat ko‘rsatish bo‘yicha qo‘shma korxona tashkil etishdan iborat bo‘ladi. Bu mamlakat ichida poyezdlarning tezkor xizmat ko‘rsatishini ta’minlash, yangi ish o‘rinlari yaratish va mahalliy temir yo‘l tarmog‘ini yanada rivojlantirishga xizmat qiladi.

Bitimning imzolanishi O‘zbekiston va Chexiya Respublikasi o‘rtasida transport sohasidagi hamkorlik mustahkamlanib borayotganini ham tasdiqlaydi.