“Toshkent” avtovokzalidan shaharlararo yo‘nalishlarda qo‘shimcha avtobus qatnovlari tashkil etilmoqda
2026-03-19 13:00:00 / Yangiliklar
Qatnovlar “Toshkent” avtovokzalidan Zomin, Samarqand, Jarqo‘rg‘on, Buxoro, Qorako‘l, Mirbozor, Navoiy, Jo‘sh, Nurota, Zarmitan, Zarafshon, Xatirchi, Qiziltepa, Konimex, Uchquduq, Kadan, Payariq, Shahrisabz, Qarshi, G‘uzor, Sherobod, Termiz, Denov, Uzun, Urganch, Xiva, Gurlan, To‘rtko‘l va Nukus shaharlariga amalga oshirilmoqda.
Qatnov jadvali va chipta narxlari bilan avtovokzalning ijtimoiy tarmoqlardagi rasmiy sahifalarida tanishing. Chiptalarni "Toshkent" avtovokzali chiptaxonalaridan hamda "UzBus" mobil ilovasi orqali onlayn tarzda sotib olish mumkin.
📞 Ma’lumot uchun telefon: 71 207-87-00
Bayram munosabati bilan e’lon qilingan qo‘shimcha dam olish kunlarida ichki turizm hamda aholining hududlararo harakatlanishga bo‘lgan talabini to'liq qondirish maqsadida yo‘lovchilar oqimidan kelib chiqib, yo‘nalishlarda uzluksiz ravishda qo‘shimcha qatnovlar tashkil etib boriladi.
Jarayonlarni to'liq nazorat qilish maqsadida Transport vaziri topshirig‘iga asosan vazirning birinchi o‘rinbosari rahbarligida “Toshkent” avtovokzalida tezkor shtab ish boshladi.