Mazkur holat natijasida ko‘plab davlatlar vakillari, jumladan, O‘zbekiston Respublikasi fuqarolari ham parvozlarning bekor qilinishi yoki kechiktirilishi, tranzit yo‘nalishlarning yopilishi hamda boshqa tashkiliy muammolar tufayli qiyinchiliklarga duch kelmoqda.

Shu munosabat bilan fuqarolar xavfsizligini ta’minlash va ularning qonuniy manfaatlarini himoya qilish maqsadida Yaqin Sharq yo‘nalishida rejalashtirilgan ziyorat, tijorat, dam olish hamda boshqa turdagi xorijiy tashriflarni vaziyat barqarorlashguniga qadar vaqtincha kechiktirib turish tavsiya etiladi.

Ayni paytda chet elda bo‘lib turgan vatandoshlardan bosiqlik va hushyorlikni saqlash, odamlar gavjum joylarga borishdan tiyilish, shuningdek, mahalliy qonun-qoidalarga qat’iy rioya qilish hamda O‘zbekiston Respublikasining xorijiy diplomatik vakolatxonalari va konsullik muassasalari bilan doimiy aloqada bo‘lib turish so‘raladi.

Tashqi ishlar vazirligi, shuningdek, barcha fuqarolarni safarlarni rejalashtirishda ehtiyotkorlik choralarini ko‘rish va rasmiy manbalar orqali e’lon qilinayotgan axborotlarga amal qilishga chaqirdi.