“Magnus Aircraft Zrt” kompaniyasi bilan hamkorlik masalasi muhokama etildi
2026-02-18 15:00:00 / Yangiliklar
Transport vaziri o‘rinbosari Jasurbek Choriyev Vengriyaning “Magnus Aircraft Zrt.” kompaniyasi Bosh ijrochi direktori Laszlo Boros bilan uchrashdi.
Uchrashuvda tomonlar kompaniya tomonidan ishlab chiqarilgan Magnus Fusion 212 samolyotlarini O‘zbekistonda ishlab chiqarish imkoniyatini muhokama etishdi.
Magnus Aircraft Zrt. – kompozit materiallardan innovatsion samolyotlarni loyihalash, ishlab chiqarish va sotish bilan shug‘ullanuvchi Vengriyaning xalqaro kompaniyasi hisoblanadi.
Magnus kompaniyasining bosh qarorgohi Vengriyaning Pogani shahrida, Pech-Pogani xalqaro aeroporti (LHPP) yaqinida joylashgan bo‘lib, qariyb 8000 kvadrat metr maydonni egallaydi.
Magnus guruhining vakillari AQSH, Xitoy, Keniya, Nigeriya, Serbiya va Yaqin Sharq mamlakatlarida o‘z faoliyatini olib boradi.