Oʻzbekiston Respublikasi Transport vazirligi

Ishchi guruh yig‘ilishida O‘zbekiston Respublikasi Transport vazirligidan  I.Absattorov ishtirok etmoqda.

Ma’lumot o‘rnida: Transport vazirligi huzuridagi Transport va logistikani rivojlantirish muammolarini o‘rganish markazi tomonidan UNESCAPning texnik ko‘magi bilan Bitimning II-ilovasida belgilangan quruq portlarga qo‘yilgan talablarga muvofiqligi bo‘yicha milliy tadqiqotlar o‘tkazilgan.

Transport vazirligi tomonidan tadqiqot natijalari asosida belgilangan talablarga javob beradigan transport-logistika markazlarini hukumatlararo bitimning xalqaro quruqlik portlari ro‘yxatiga (I-ilovasiga) kiritish uchun quruqlik portlari bo‘yicha Ishchi guruhning oltinchi yig‘ilishida ko‘rib chiqish taklifi berilgan.

 

Ishchi guruh yig‘ilishida respublikamizda joylashgan 24 ta transport-logistika markazlarining Bitimning II-ilovasida belgilangan talablarga muvofiqligi yuzasidan o‘tkazilgan milliy tadqiqotlar to‘g‘risida Ishchi guruh a’zolariga tushuntirishlar berildi. Ushbu transport-logistika markazlari Bitimining xalqaro quruqlik portlari ro‘yxatiga kiritildi va ularga xalqaro quruqlik portlari maqomi berildi.

Ma’lumot o‘rnida: O‘zbekiston Respublikasi Prezidentining 2025-yil 27-yanvardagi “O‘zbekiston Respublikasining transport-logistika tizimini yanada rivojlantirish chora-tadbirlari to‘g‘risida”gi PQ-28-son qarorida hamda zamonaviy texnika va uskunalar bilan jihozlashga doir namunaviy talablarga (Namunaviy talablar) javob beradigan transport-logistika markazlari UNESCAPning Quruqlik portlari to‘g‘risidagi hukumatlararo bitimi ro‘yxatiga qo‘shish uchun taklif etilishi va xalqaro ahamiyatga ega obyektlar sifatida qabul qilinishi belgilangan.

Shuningdek, O‘zbekiston Respublikasi Vazirlar Mahkamasining 2025-yil 8-oktyabrdagi “Transport-logistika markazlari faoliyatini va tranzit transport yo‘laklarini rivojlantirish to‘g‘risida” 633-son qarorida Transport vazirligiga Namunaviy talablarga javob beradigan xalqaro transport-logistika markazlarini UNESCAPning “Quruqlik portlari” to‘g‘risidagi hukumatlararo bitimi ro‘yxatiga qo‘shish choralarini ko‘rish vazifasi yuklatilgan.

Quruqlik portlari hududlar kesimida taqsimlanishi quyidagicha: Toshkent shahrida 7 ta, Toshkent viloyati 4 ta, Farg‘ona va Surxondaryo viloyatlarida 3 tadan, Qoraqalpog‘iston Respublikasida 2 ta, Jizzax, Navoiy, Samarqand, Namangan va Buxoro viloyatlarida 1 tadan.

Xalqaro quruqlik portlari ro‘yxatiga qo‘shilgan transport-logistika markazlari: Universal Logistics Services, First Dry Port Terminal, Orient Logistics Centre, Terminal Services Invest Group, Azia Trans Terminal, Texnopark, Uzbekistan Airports Cargo, Angren logistika markazi, Highway Logistics Centre, Forward Trans Terminals, Multimodal Trans Terminal, Jizzax logistika markazi, Qo‘qon logistika Markazi, Farg‘ona ulgurji savdo, Marg‘ilon logistika markazi, Roustin logistika Markazi, Ulug‘bek logistika Markazi, Termiz logistika markazi, Airitom Logistics Centre, Termez Cargo Centre, Navoiy cargo, Buhoro logistika markazi, Nukus logistika markazi, Kungrad Cargo Imp.