O‘zbekistonlik yosh tadbirkorlar o‘z muvaffaqiyat tajribalari bilan bo‘lishib, yoshlar biznesini rivojlantirish yo‘llarini muhokama qilishdi
2024-05-03 15:40:00 / Yangiliklar
Tadbir moderatori vazifasini Toshkentdagi INXA Universiteti rektori Muzaffar Jalolov amalga oshirdi.Spikerlar sifatida sessiyada quyidagilar ishtirok etdi:
- Feruz Ablayarov, Yoshlar ishlari agentligi rahbari o'rinbosari;
- Diana Rayan, "HP Inc"ning Markaziy Osiyo va Turkiyadagi davlat organlari bilan aloqalar va davlat siyosati bo‘limi rahbari;
- Stiven Lin, "Swift Launch" asoschisi, "Sturgeon Capital venchur" hamkori;
- Dilfuza Qurolova, "Global Shapers" Toshkent xabi asoschisi;
- Rustam Rahmatov, "Iman Invest" asoschisi.
Dastlab, moderator Muzaffar Jalolov "Ayollar tadbirkorligiga ham alohida e'tibor berilib, past foizli kreditlar berilmoqda. Bundan tashqari, gender tengligini rivojlantirish uchun ham harakatlar amalga oshirilyapti", - deya suhbatni boshlab berdi. Shundan so'ng, spikerlardan Feruz Ablayarov o'z nutqini irod etdi. "O'zbekiston yoshlar davlati, mamlakatning 60% foizga yaqin aholisini yoshlar tashkil qiladi. Shuning uchun ham katta loyihalar ishlab chiqilgan. Masalan mamlakatda tadbirkorlik bilan shug'ullanishni istaganlar uchun kreditlar ajratiladi. Bu yil tadbirkorlik uchun ajratilgan kreditning 40%i yoshlar biznesini qo'llab quvvatlash uchun srflanishi reja qilingan. "Milliy Bank" va "Mikrokreditbank" kabi yirik banklar shunday kreditlarni taqdim qilyapti. "Unicorns" loyihasi esa yoshlarning startap loyihalarini qo'llab quvvatlash uchun grantlar orqali yordam beradi. Investitisiya vazirligi qoshidagi yoshlarning tadbirkorligini qo'llab-quvvatlash markaziga yoshlar biznesini qo'llab-quvvatlash uchun 100 mln dollar ajratilgan. Biznes boshlamoqchi bo'lgan ayollar uchun esa tadbirkorlikda tajribasi yuqori bo'lgan moderatorlar biriktirish orqali yo'l ko'rsatish va ularni qo'llab quvvatlash nazarda tutuilayapti. Buni "tv show" orqali namoyish etish ham rejalashtirilgan bo'lib, bu reja boshqa ayollarda ham motivatsiya uyg'otishni maqsad qiladi.
Shuningdek, ishtirokchilar yoshlarning tadbirkorlikda faol qatnashishiga to‘siq bo‘layotgan omillar, yoshlar startaplarini amalga oshirishda davlatdan qanday ko‘mak zarurligi, xususan, yoshlar biznesini rivojlantirishni qo‘llab-quvvatlash uchun zamonaviy investitsiya turlarini muhokama qilishdi. O‘zbekiston hukumati biznes loyihalarni amalga oshirishda yoshlarni qo‘llab-quvvatlash masalasiga alohida e’tibor qaratadi. Qayd etish joiz, 2024-yil mamlakatda “Yoshlar va biznesni qo‘llab-quvvatlash yili” deb nomlangan.
"Global Shapers Toshkent" xabi asoschisi Dilfuza Kuralova ham qolganlar qatori davra suhbatida o'z fikirlari bilan bo'lishdi. U hech qachon harakatdan to'xtamaslik va doim dunyoni ozgartirish uchun harakatda bo'lish, shuningdek, "Global Shaper Tashkent" xabining tashkil qilinishi haqida gapirdi.
Stephen Lin esa Yoshlarni qo'llab quvatlash uchun "Swift launch" programmasini tanishtirdi. Unda yoshlarni biznes boshlash uchun zarur bo'lgan ko'nikmasini shakllantirish uchun imkoniyatlar mavjud.
"Iman Invest" asoschisi Rustam Rahmatov ham o'z tajribasini qolganlar bilan bo'lishdi. "Tadbirkor bo'lish qiziqarli, lekin qiyin. Yuqori motivatsiya bilan boshlab, kompaniyaga nom qo'yib, keyin startap sifatida boshlanadi. Biroq bu oson ish emas. Muammolarga duch kelgach, to'xtab qolmaslik kerak. O'zbekistonda biznes boshlash uchun hamma narsa bor. Biz ham yoshlarni tadbirkor bo'lishiga yordam berishi mumkin bo'lgan "Iman VC" (iman venture capital) loyihasini yaqinda ishga tushiramiz", - deydi Rustam Rahmatov.
Sessiya O‘zbekistonda yoshlar tadbirkorligini rivojlantirish bo‘yicha tajriba va tajriba almashish hamda tavsiyalar ishlab chiqish uchun maydon yaratdi.