O'zbekiston Respublikasi Vazirlar Mahkamasi huzuridagi Migratsiya agentligi

Dastlab, diplomatga yangidan tashkil qilingan Agentlik faoliyati, migratsiya geografiyasi haqida ma’lumotlar berildi.

Elchi janoblari alohida qayd etdiki, Isroilda ko‘plab tarmoqlarda ishchi kuchiga talab yuqori. Ayniqsa, tibbiyot, xizmat ko‘rsatish, qurilish sohalari bu ro‘yxatning boshida turibdi.

Shu bois uchrashuvda tibbiyot va qurilish yo‘nalishlarida Isroil texnologiyalari asosida mutaxassislar tayyorlash bo‘yicha hamkorlik o‘rnatish muhimligi ta’kidlandi.

Agentlik rahbari, asosiy maqsad xorijda ishlash istagida bo‘lgan fuqarolarimiz uchun xavfsiz, ya’ni, kam xarajatli, yuqori maoshli, ijtimoiy himoyalangan, korrupsiyadan xoli migratsiyani tashkil qilish ekanligiga e’tibor qaratdi.

Tomonlar, migratsiya sohasida birgalikda ishlash, mutaxassislar tayyorlash bo‘yicha hamkorlikning huquqiy asoslarini mustahkamlashga kelishib olishdi.