Koreyadan mehnat shartnomalari keldi: nomzodlarning hujjatlari rasmiylashtirilmoqda
2026-08-14 17:20:00 / Yangiliklar
Koreya Respublikasida E-9 vizasi asosida ishlash uchun ushbu mamlakatning SPAS elektron bazasida mavjud nomzodlar orasida yilning uchinchi tanlovi ayni kunlarda davom etmoqda.
Tanlovning 5–11-avgust kunlari o‘tkazilgan bosqichi yakunlariga ko‘ra, koreyalik ish beruvchilar tomonidan tanlangan hamyurtlarimizga mehnat shartnomalari keldi.
📄 Jumladan:
🏭 ishlab chiqarish sohasida — 213 ta;
🛎 xizmat ko‘rsatish sohasida — 11 ta;
🏗 qurilish sohasida — 2 ta mehnat shartnomasi.
Ayni paytda Koreyaga ishga ketishi uchun zarur hujjatlarni rasmiylashtirish jarayoni ketmoqda.
Shu bilan birga, 12–19-avgust kunlari qishloq xo‘jaligi, o‘rmonchilik, xizmat ko‘rsatish, baliqchilik va qurilish sohalari bo‘yicha nomzodlarni ish beruvchilar tomonidan tanlash jarayoni davom etmoqda.
🤝 Tanlov natijalari va navbatdagi mehnat shartnomalari bo‘yicha yangiliklarni kuzatib boring.
Eslatib o‘tamiz, Janubiy Koreya E-9 vizasi asosida 17 ta xorijiy davlatga ish o‘rni ajratadi.