O'zbekiston Respublikasi Vazirlar Mahkamasi huzuridagi Migratsiya agentligi

2026-yilning o‘tgan 7 oyi davomida Migratsiya agentligi tomonidan xorijda mehnat qilayotgan yurtdoshlarimizning oylik ish haqi, hujjatlar va ish masalasida yuzaga kelgan minglab muammolariga aniq yechimlar berildi.

💼 Oylik ish haqlari va kompensatsiyalar bo‘yicha:

— 622 nafar fuqaroning murojaatlari ko‘rib chiqilib,

— jami 570 ming AQSh dollari miqdoridagi mablag‘lar xorijiy ish beruvchilardan yurtdoshlarimiz foydasiga undirib berildi.

Davlatlar kesimida:

Rossiya Federatsiyasida — 375 ta holat;

Turkiyada — 129 ta holat;

Koreyada — 85 ta holat;

Boshqa davlatlarda — 33 ta holat.

Shuningdek, 383 nafar yurtdoshimizning shaxsini tasdiqlovchi hujjatlari vositachilar va xorijiy ish beruvchilardan qaytarib olindi.

Davlatlar kesimida:

Rossiya Federatsiyasida — 182 ta holat;

Turkiyada — 185 ta holat;

Qozog‘istonda — 11 ta holat;

Koreyada — 5 ta holat.