O'zbekiston Respublikasi Vazirlar Mahkamasi huzuridagi Migratsiya agentligi

O‘zbekiston Respublikasi Vazirlar Mahkamasi huzuridagi Migratsiya agentligi direktori tomonidan yuqori baholangan mazkur loyiha Chexiya Respublikasi Bosh vaziri Andrey Babishning rasmiy tashrifi dasturiga kiritildi. Yapon ta’lim tizimi asosida tayyorlanayotgan yuqori malakali yuk avtomashinasi haydovchilari xalqaro hamjamiyat e’tiborini tortmoqda.

Kompaniya Yaponiyadagi transport sohasida mehnat resurslari yetishmasligi muammosini hal etish maqsadida 2025-yil sentyabr oyida O‘zbekiston Respublikasi Vazirlar Mahkamasi huzuridagi Migratsiya agentligi bilan maxsus malakali kadrlarni tayyorlash bo‘yicha xalqaro mehnat hamkorligi to‘g‘risida kelishuv imzolagan.

Ushbu hamkorlik doirasida Migratsiya agentligi bilan birgalikda nomzodlarning intizomi, mehnatga munosabati, Yaponiya madaniyatiga qiziqishi kabi mezonlar baholanib, saralangan nomzodlar O‘zbekistonda tayyorlanadi hamda belgilangan talablarga javob berganlari Yaponiyaga «tayyor mutaxassis» sifatida yuboriladi.

2026-yil fevral oyida Migratsiya agentligining keng ko‘magi bilan Toshkent viloyatining Angren shahrida “UZBEKISTAN PROUD ACADEMY (UPA)” o‘quv markazi faoliyati yo‘lga qo‘yildi.

Markazda tinglovchilarning yapon tili, yapon uslubida xavfsiz haydovchilik, xizmat madaniyati, yo‘l harakati qoidalari hamda favqulodda vaziyatlarda harakat qilish bo‘yicha bilimlarni puxta egallashi uchun zamonaviy sharoitlar yaratilgan. Shuningdek, ular va ularning oila a’zolariga moliyaviy yuk tushmasligi uchun Migratsiya agentligi ko‘magida taqdim etilgan yotoqxonalardan foydalanish imkoniyati ham ta’minlangan.

Ayni paytda UPA Migratsiya agentligi bilan hamkorlikda amalga oshirilayotgan «Avtomobil transporti sohasi uchun maxsus malakali kadrlar tayyorlash» loyihasi doirasida O‘zbekistondan Yaponiyaga xavfsiz va yuqori malakali yuk avtomashinasi haydovchilarini (Specified Skilled Worker – 1-toifa) tayyorlash bilan shug‘ullanmoqda.

Kompaniya mazkur markazning boshqaruvi, yapon tili va yapon mehnat madaniyatini o‘qitish ishlarini amalga oshirmoqda. Kelgusida Yaponiyaning Izumi Logistics Co., Ltd. kompaniyasi bilan hamkorlikda transport sohasi bo‘yicha xavfsizlik va amaliy haydovchilik mashg‘ulotlari tashkil etiladi.

UPAdagi ta’lim sifati Migratsiya agentligi direktori tomonidan yuqori baholanib, Chexiya Respublikasi Bosh vaziri Andrey Babishning O‘zbekistonga rasmiy tashrifi doirasida ushbu tajribani namoyish etish tashrif dasturiga kiritildi.

2026-yil 30-aprel kuni UPAning mahalliy rahbari Kobayashi Sayunaga Toshkent shahridagi til va kasb-hunar maktabida namunali dars o‘tkazdi.

Batafsil: https://prtimes.jp/main/html/rd/p/000000032.000155502.html, https://www3.nhk.or.jp/nhkworld/en/news/videos/20260730114549323/