Murojaatlarning aksariyati belgilangan tartibda ko‘rib chiqildi. Jumladan, 35 ming 763 tasi bo‘yicha tegishli choralar ko‘rildi, 9 ming 377 ta murojaat yuzasidan huquqiy tushuntirishlar berildi. Shuningdek, 37 ta murojaat tegishliligi bo‘yicha boshqa tashkilotlarga yuborildi, 77 tasi ayni paytda o‘rganish jarayonida, 9 ta murojaat ko‘rmasdan qoldirildi va 7 tasi rad etildi.

Fuqarolar bilan bevosita muloqotni kuchaytirish maqsadida Agentlik rahbariyati tomonidan 40 dan ortiq sayyor qabullar o‘tkazildi. Ularda 800 nafardan ziyod fuqaro ishtirok etdi.

Sayyor qabullarda bildirilgan murojaatlarning asosiy qismi xorijda ishlash masalalariga to‘g‘ri keldi. Jumladan, 500 nafar fuqaro xorijga ishga jo‘nash, 150 nafari kasb-hunar va til o‘rganish, 100 nafari xorijda qiyin ahvolga tushib qolgan yurtdoshlarga yordam ko‘rsatish, qolgan 50 nafar fuqaro esa boshqa masalalar yuzasidan murojaat qildi.

Agentlikka kelib tushgan umumiy Murojaatlarning tahliliga ko‘ra ham eng ko‘p murojaatlar xorijda ishlash bilan bog‘liq masalalarga to‘g‘ri kelmoqda. Xususan:
 

– xorijga ishga jo‘nash masalalari bo‘yicha – 40 ming 392 ta;
 

– xususiy bandlik agentliklari faoliyati bilan bog‘liq – 3 ming 565 ta;
 

– xorijda qiyin ahvolda qolgan fuqarolarga yordam bo‘yicha – 244 ta;
 

– xorijdagi fuqarolarga moddiy va ijtimoiy yordam ko‘rsatish bo‘yicha – 389 ta;
 

– ish haqini undirish masalasida – 196 ta;
 

– Agentlikka to‘langan mablag‘ni qaytarish bo‘yicha – 100 ta;
 

– boshqa masalalar yuzasidan esa 384 ta murojaat kelib tushgan.

Hududlar kesimida eng ko‘p murojaatlar Farg‘ona viloyatidan – 9 ming 410 ta, Buxoro viloyatidan – 4 ming 797 ta, Toshkent shahridan – 4 ming 212 ta, Samarqand viloyatidan – 4 ming 200 ta va Xorazm viloyatidan – 4 ming 40 ta kelib tushgan.

Shuningdek, Agentlikning Call-markazi va 1282 qisqa raqami orqali birinchi yarim yillikda 66 ming 240 ta qo‘ng‘iroq qabul qilinib, fuqarolarga tezkor huquqiy maslahat va tushuntirishlar berildi.

Bundan tashqari, Agentlikning front-ofislari orqali 7 ming 398 nafar fuqaroga huquqiy maslahat xizmati ko‘rsatildi.

Umuman olganda, kelib tushgan murojaatlarning o‘z vaqtida va sifatli ko‘rib chiqilishini ta’minlash, fuqarolarga tezkor huquqiy yordam ko‘rsatish hamda ularning muammolarini qonuniy hal etish Agentlik faoliyatining ustuvor yo‘nalishlaridan biri bo‘lib qolmoqda.

E’tiboringiz uchun rahmat.