Toshkentda xalqaro mehnat bozori uchun kadrlar tayyorlaydigan “INTIL” oʻquv markazi ochildi
2026-05-20 10:05:00 / Yangiliklar
“Toshkent xalqaro migratsiya forumi” doirasida xorijda ishlash niyatida boʻlgan yurtdoshlarimizni zamonaviy kasblar va xorijiy tillarga tayyorlashga ixtisoslashgan “Intil” markazi ochilish marosimi boʻlib oʻtdi.
Forumning yuqori darajadagi mehmonlari ishtirokida ochilgan mazkur markaz yangi avlod ta’lim maskani sifatida e’tirof etildi.
🎤 Tadbirda soʻzga chiqqan xalqaro tashkilotlar va xorijiy hamkorlar ushbu tashabbusni – mehnat migratsiyasini tartibli, xavfsiz va yuqori malakali kadrlar tayyorlash asosida tashkil etishda muhim qadam ekanini ta’kidladilar.
Infratuzilma 600 oʻrinli oʻquv xonalari, 180 oʻrinli amaliy mashgʻulotlar zali, 120 oʻrinli imtihon markazi va 400 oʻrinli yotoqxonani oʻz ichiga oladi.
🛠 Markazda hamshiralik, mexatronika, elektrotehnika, payvandchilik, yuk mashinasi haydovchiligi va boshqa yoʻnalishlarda amaliy tayyorgarlik tashkil etiladi.
📑 Shuningdek, xalqaro imtihonlarni topshirish, bepul konsalting, viza, hujjatlashtirish, aviakassa va bank xizmatlari ham yoʻlga qoʻyiladi.