Qish mavsumiga tayyorgarlik: maxsus texnikalar ko‘rikdan o‘tkazildi
2025-12-13 16:00:00 / Vazirlik yangiliklar
Bugun Yashnobod tumani Texnopark majmuasida qishki mavsumga tayyorgarlik doirasida maxsus texnikalar ko‘rikdan o‘tkazildi.
Mazkur tadbirda koʻp qavatli uylarga xizmat ko’rsatuvchi boshqaruv organlari ham oʻz texnik imkoniyatlari bilan faol qatnashdi.
Boshqaruv tashkilotlarda jami 24 mingdan ortiq zarur moddiy-texnika va uskunalar mavjud. Yil boshiga nisbatan ushbu ko’rsatkich 15 foizga ko‘paydi.
Jumladan:
avtotransport – 405 ta;
mototransport – 775 ta;
maxsus transport – 145 ta; avariyalarni bartaraf etish jamlanmasi – 1 742 ta;
santexnika to‘plami – 1 979 ta;
elektr jihozlari to‘plami – 1 428 ta;
obodonlashtirish vositalari – 6 619 ta;
maxsus kiyimlar to‘plami – 6 376 ta va 4 828 tadan ortiq turli xil asbob-uskunalar to‘plami shakllantirilgan.
Qish mavsumida yuzaga kelishi mumkin bo‘lgan noqulay ob-havo sharoitlarida tezkor va samarali ishlarni tashkil etish maqsadida quyidagi texnikalar shay holatga keltirilgan:
— 51 ta ekskavator-yuklagich;
— 273 ta avariya tiklash brigadalari;
— 52 ta avtokran;
— 25 ta samosval;
— 31 ta suv tortuvchi nasos (otkachka);
— 427 ta boshqa turdagi maxsus texnikalar.
Mazkur ko‘rik jarayonida texnikalarning sozligi, to‘liq jihozlanganligi hamda favqulodda vaziyatlarda uzluksiz ishlashga tayyorligi o’rganildi.