“Milliy liboslar kuni” munosabati bilan maʼnaviy-maʼrifiy tadbirlar tashkil etildi
2025-12-05 11:00:00 / Vazirlik yangiliklar
Bugun, 5-dekabr kuni Qurilish va uy-joy kommunal xoʻjaligi vazirligi hamda uning tizim tashkilotlarida siyosiy-maʼrifat soati, shuningdek, “Milliy liboslar kuni” munosabati bilan maʼnaviy-maʼrifiy tadbirlar tashkil etildi.
Xususan, 8-dekabr — Oʻzbekiston Respublikasi Konstitutsiyasi qabul qilinganligining 33 yilligi munosabati bilan milliy Qomusimiz mustaqil davlatimiz rivoji, fuqarolarning huquq va erkinliklarini taʼminlash, jamiyatda adolat va qonuniylik tamoyillarini qaror toptirishda asosiy manba ekanligi alohida taʼkidlandi. Konstitutsiya xalqimizning buguni va kelajagini belgilab beradigan, demokratik qadriyatlarimiz mezoni sifatida xizmat qiladigan bosh qomus ekanligi qayd etildi. Vazirlik va uning tizim tashkilotlarida mehnat qilayotgan barcha mutaxassislar mazkur muhim sana bilan samimiy muborakbod etildi.
🫥 Tadbirda vazirlik markaziy apparati, “Shaharsozlik hujjatlarini ekspertiza qilish” Respublika markazi, Texnik me’yorlash va standartlashtirish ilmiy-tadqiqot instituti hamda Axborot kommunikatsiya texnologiyalarini rivojlantirish Respublika markazi xodimlari faol ishtirok etdilar.