“Milliy liboslar kuni” doirasidagi tadbirlar o‘tkazildi
2025-11-28 10:00:00 / Vazirlik yangiliklar
Qurilish va uy-joy kommunal xo‘jaligi vazirligi hamda uning tizim tashkilotlarida bugun siyosiy-ma’rifat soati hamda “Milliy liboslar kuni” doirasidagi tadbirlar o‘tkazildi.
Tadbirda vazirlik markaziy apparati, “Shaharsozlik hujjatlarini ekspertiza qilish” Respublika markazi, Texnik me’yorlash va standartlashtirish ilmiy-tadqiqot instituti, shuningdek, Axborot kommunikatsiya texnologiyalarini rivojlantirish Respublika markazi xodimlari ishtirok etib, siyosiy bilim va ko‘nikmalarini yanada mustahkamlashdi. Ishtirokchilarning milliy liboslarda qatnashgani, o‘zbek xalqining boy tarixiy merosi, qadriyatlari va an’analariga bo‘lgan chuqur hurmat-ehtiromning yorqin ifodasi bo‘ldi.
Mazkur tashabbus doirasidagi ma’rifiy va madaniy tadbirlar barcha hududlarda izchil davom ettirilmoqda.