O‘zbekiston Respublikasi Qurilish va uy-joy kommunal xo‘jaligi vazirligi

Bugun Qurilish va uy-joy kommunal xo‘jaligi vazirligida vazirlik tizimi mutassadi xodimlari hamda rahbarlari, O‘zbekiston Respublikasi Prezidenti huzuridagi Biznes ombudsman sho'basi mas'ullari ishtirokida videokonferensiya aloqa shaklida yig‘ilish bo‘lib o‘tdi. Unda tadbirkorlik subyektlari bilan ishlash, murojaatlarni ko‘rib chiqish tartibini takomillashtirish va tizimda ochiqlik hamda mas’uliyatni kuchaytirish masalalari muhokama qilindi.

Yig‘ilish davomida Biznes ombudsman tomonidan o'tkazilgan o'rganish natijalari yuzasidan batafsil axborot berildi.

Shuningdek, tadbirkorlik faoliyatida tartib-qoidalarga to‘liq rioya etilishi, qarorlar esa aniq va asosli bo‘lishi zarurligi ta’kidlandi. Amaldagi tartiblar doirasida mas’ul xodimlar ish yuritishda aniqlik va mas’uliyatni ustuvor qo‘yishi lozimligi yana bir bor eslatildi. Bu esa tizimda tartib-intizomni mustahkamlash hamda tadbirkorlik muhitining barqarorligini ta’minlashga xizmat qilishi qayd etildi.

Shuningdek, Korrupsiyaga qarshi kurash bo'limi boshlig'i tomonidan manfaatlar to‘qnashuvining oldini olish, qaror qabul qilish jarayonlarida shaffoflikni kuchaytirish, korrupsiyaviy xavflarni bartaraf etish bo‘yicha qo'shimcha qilindi. Tadbirkorlik subyektlari bilan ishlashda ochiqlik, tezkor muvofiqlashtirish va mas’uliyatni oshirish asosiy tamoyil sifatida belgilandi.

Yig‘ilish yakuni bo‘yicha tegishli boshqarmalarga taqdimnomada ko‘tarilgan masalalar yuzasidan aniq choralar ishlab chiqish, kamchiliklarni bartaraf etish bo‘yicha takliflar tayyorlash va ularning ijrosini qat’iy nazoratga olish topshirildi. Shuningdek, yig‘ilishning hay’at bayonini tayyorlash bo‘yicha ko‘rsatma berildi.

Tadbir davomida, shuningdek, tadbirkorlik subyektlari bilan ishlash samaradorligini oshirishga qaratilgan qo‘shimcha takliflar ham muhokama qilindi.