Videoreportaj: Islohotlar shtabi tashabbusi bilan Jizzaxlik tadbirkorlarga “Kayzen” tizimi o‘rgatildi
2025-10-27 09:45:00 / Yangiliklar
Jizzax viloyati tadbirkorlariga ishlab chiqarish jarayonlarini samarali tashkil etish va boshqaruv madaniyatini oshirish maqsadida Islohotlar shtabi tashabbusi bilan Yaponiyaning mashhur “Kayzen” falsafasi asoslari o‘rgatildi.
Ushbu amaliy seminarga yaponiyalik mutaxassis Tamada San taklif etildi. Tadbir davomida u ishtirokchilarga “Kayzen” tizimining asosiy tamoyillari — doimiy takomillashuv, ish joyida tartib-intizom, samaradorlik va jamoadagi hamjihatlik haqida atroflicha ma’lumot berdi.
Tadbirkorlar o‘z faoliyatlarida mazkur yondashuvni qo‘llash orqali ish unumdorligini oshirish, vaqt va resurslar tejamkorligini ta’minlash mumkinligini ta’kidlab o‘tishdi.
“Kayzen” falsafasiga ko‘ra, har bir xodim o‘z ish joyidagi kichik kamchiliklarni bartaraf etish va yaxshilanish jarayonida faol ishtirok etishi lozim.
Bu esa nafaqat mahsulot sifatini, balki ish muhitining madaniyatini ham yuksaltirishga xizmat qiladi.