Jizzax delegatsiyasi Moskva viloyatida O‘zbekiston va Rossiya II Hududlararo kengashida ishtirok etdi
2025-10-24 10:00:00 / Yangiliklar
Mazkur kengash doirasida O‘zbekiston Respublikasi Jizzax viloyati hokimiyati va Rossiya Federatsiyasi Nijegorod viloyati hukumati o‘rtasida savdo-iqtisodiy, ilmiy-texnikaviy, madaniy-gumanitar hamda ijtimoiy sohalarda hamkorlikni rivojlantirishga qaratilgan memorandum imzolandi.
Shuningdek, Jizzax viloyati delegatsiyasi Tomsk viloyati gubernatori Vladimir Mazur, Omsk viloyati gubernatori Vitaliy Xotsenko hamda boshqa hududlar vakillari bilan uchrashuvlar o‘tkazdi. Suhbatlar chog‘ida hududlar salohiyati, o‘zaro manfaatli hamkorlikni yanada kengaytirish masalalari muhokama qilindi.
Z.Azimov Rossiya viloyatlari rahbarlarini Jizzax viloyatiga tashrif buyurib, investitsion loyihalar bilan yaqindan tanishishga taklif etdi.
Bundan tashqari, Kaluga viloyati hokimining o‘rinbosari Vladimir Potemkin bilan uchrashuv o‘tkazilib, Kaluga viloyati rahbarining kelasi yilning birinchi choragi yakunida Jizzax viloyatiga rasmiy tashrifi bo‘yicha muzokaralar olib borildi.