Jizzax shahrida Sayxon mahallasiga yangi bino foydalanishga topshirildi
2025-03-24 08:05:00 / Yangiliklar
Mahalladagi muhim voqealardan biriga aylangan ushbu tadbir tantanali tarzda o‘tkazildi. Ochilish marosimida mahalla faollari va hudud aholisi ishtirok etib, yangi binoning ramziy kaliti topshirildi.
Mahalla fuqarolar yig‘ini uchun maxsus qurilgan bu inshoot fuqarolarga xizmat ko‘rsatish sifati va samaradorligini oshirishga xizmat qiladi. Yangi binoda mahalla aholisi uchun mo‘ljallangan turli tadbirlar, uchrashuvlar va maslahatlar tashkil etilishi rejalashtirilgan.
Hudud aholisi yangi binoga ega bo‘lish orqali mahalla faoliyatini yanada rivojlantirish, fuqarolarga qulaylik yaratish va ijtimoiy faollikni oshirish imkoniga ega bo‘ldi. Bu esa mahallaning ijtimoiy-iqtisodiy taraqqiyotiga ijobiy ta’sir ko‘rsatishi shubhasiz.
Ta’kidlash joizki, mamlakatimizda mahalla instituti rivojiga katta e’tibor qaratilib, fuqarolar yig‘ini binolari zamonaviy talablarga mos ravishda qurilmoqda. Sayxon mahallasidagi yangi inshoot ham ana shu sa’y-harakatlarning yorqin namunasidir.