Jizzах vilоyati hоkimligi

Bu esa hudud iqtisodiyoti barqaror o‘sib borayotganini yana bir bor tasdiqlaydi. 
Milliy statistika qo‘mitasi ma’lumotlariga ko‘ra, 2026-yilning yanvar–fevral oylarida O‘zbekistonda savdo xizmatlari hajmi 26,3 trln so‘mni tashkil etgan bo‘lib, bu ko‘rsatkich 2025-yilning mos davriga nisbatan 19,8 foizga oshgani qayd etilmoqda. 
 
Hududlar kesimida tahlil qilinganda, Jizzax viloyatida savdo xizmatlari hajmi 775,5 mlrd so‘mni tashkil etgan. Mazkur ko‘rsatkich viloyatda ichki bozor faolligi ortib borayotgani, tadbirkorlik subyektlari soni ko‘payib, savdo xizmatlari ko‘lami kengayayotganidan dalolat beradi. 
 
Mutaxassislar ta’kidlashicha, so‘nggi yillarda Jizzax viloyatida zamonaviy savdo majmualari, kichik bozorlar va xizmat ko‘rsatish shoxobchalarini tashkil etishga alohida e’tibor qaratilmoqda. Bu esa aholiga qulaylik yaratish barobarida, yangi ish o‘rinlari yaratish va tadbirkorlikni qo‘llab-quvvatlashga xizmat qilmoqda. 
 
Shuningdek, raqamli texnologiyalarni joriy etish, onlayn savdo xizmatlarini rivojlantirish orqali bozor munosabatlari yanada takomillashib bormoqda. Bu esa iste’molchilar uchun tanlov imkoniyatlarini kengaytirishga xizmat qilmoqda. 
 
Umuman olganda, Jizzax viloyatida savdo xizmatlari hajmining o‘sishi hudud iqtisodiy salohiyati ortib borayotganini, aholi daromadlari va xarid qobiliyati mustahkamlanayotganini ko‘rsatadi. 
 
Bu kabi ijobiy ko‘rsatkichlar esa kelgusida viloyatning ijtimoiy-iqtisodiy rivojlanishida muhim omil bo‘lib xizmat qilishi shubhasiz.