Videoreportaj: Arnasoyda uy-joy va qurilish sohasida ixtisoslashgan kichik korxona ishga tushirildi
2026-03-18 09:00:00 / Yangiliklar
Jizzax viloyati Arnasoy tumanida kichik biznes va xususiy tadbirkorlikni rivojlantirish, aholi bandligini ta’minlash hamda mahallalarda yangi ishlab chiqarish quvvatlarini yaratish borasida izchil ishlar amalga oshirilmoqda.
Jumladan, tumanning “Baxtli” mahallasida yashovchi tadbirkor Xalima O‘rolboyeva tomonidan amalga oshirilgan tashabbus e’tiborga molik. Tadbirkor o‘z mablag‘lari hisobidan qurilish materiallari ishlab chiqarishga ixtisoslashgan kichik korxona tashkil etib, zamonaviy ishlab chiqarish jarayonini yo‘lga qo‘ydi.
“Yasmeen buildpoint” mas’uliyati cheklangan jamiyati tomonidan uy-joy va qurilish sohasida keng qo‘llaniladigan termopanel, termotravertin hamda egiluvchan tosh qoplama — “gibkiy kamen” mahsulotlari ishlab chiqarilmoqda.
📹 Batafsil videolavhada tomosha qiling.