Jizzах vilоyati hоkimligi

Musobaqada 22 ta davlatdan 500 nafardan ziyod yosh dzudochilar 16 ta vazn toifasi bo‘yicha tatamiga chiqib, g‘oliblik uchun kurash olib bordilar. 
 
Bellashuvlarda O‘zbekiston o‘smirlar terma jamoasi a’zolari ham munosib ishtirok etdi. Yakuniy natijalarga ko‘ra, jamoamiz 3 ta oltin, 3 ta kumush va 7 ta bronza medalini qo‘lga kiritib, umumjamoa hisobida ikkinchi o‘rinni egalladi. 
 
Quvonarlisi, qizlar o‘rtasidagi 40 kilogramm vazn toifasida Jizzax viloyati vakili Iroda Sirojiddinova barcha raqiblaridan ustun kelib, musobaqa g‘olibi bo‘ldi va shohsupaning eng yuqori pog‘onasini egalladi. 
 
G‘olib dzudochimiz sharafiga Antaliya tatamisida Vatanimiz madhiyasi baralla yangradi. Bu natija nafaqat sportchimiz, balki Jizzax viloyati sport maktabi uchun ham katta yutuq bo‘ldi.