Mahalla va tadbirkorlik rivojiga xizmat qilayotgan Jizzaxlik fidoyi soliqchi
2026-03-11 08:15:00 / Yangiliklar
Bu borada o‘z faoliyati va tashabbuskorligi bilan ajralib turayotgan xodimlardan biri — Jizzax viloyati Sharof Rashidov tumani soliq inspeksiyasi xodimi Gavhar Isaqovadir.
U o‘z faoliyati davomida o‘ziga biriktirilgan “Yangi hayot” va “Samarqand quduq” mahallalarida soliq ma’murchiligini samarali yo‘lga qo‘yib, aholi va tadbirkorlar bilan yaqin hamkorlikda ish olib bormoqda. Mazkur hududlarda bugungi kunda 1300 nafar jismoniy shaxs, 40 ta yuridik shaxs hamda 80 nafar yakka tartibdagi tadbirkor faoliyat yuritmoqda.
Tizimli yondashuv va amaliy ishlar natijasida belgilangan soliq tushumlari ortig‘i bilan bajarildi. Shuningdek, qo‘shimcha manbalar aniqlanib, mahallalar iqtisodiy faolligini oshirishga xizmat qilayotgan yangi ish o‘rinlari yaratildi.
Mutaxassisning mahallalar bilan hamkorlikda olib borayotgan ishlari tadbirkorlar sonini ko‘paytirish, soliq qarzdorligini qisqartirish hamda mahalla budjeti daromadlarini oshirishga xizmat qilmoqda.
Bugungi kunda Gavhar Isaqova kabi fidoyi soliq xodimlari jamiyat taraqqiyotida muhim o‘rin tutadi. Ularning bilim va mas’uliyati, xalq bilan yaqin muloqotda ish olib borishi mahallalar farovonligi va iqtisodiy barqarorlikni ta’minlashda muhim ahamiyat kasb etmoqda.