Zarbdor tumani hokimligida Korrupsiyaga qarshi ichki nazorat tuzilmasi tomonidan seminar-trening tashkil etildi
2026-02-27 07:55:00 / Yangiliklar
Tadbir doirasida 2026-yilda etika va korrupsiyaga qarshi kurashish sohasida xodimlarning bilim va ko‘nikmalarini oshirishga qaratilgan o‘quv mashg‘ulotlari o‘tkazildi. Seminarda korrupsiyaga murosasiz munosabatni shakllantirish, uning oldini olish, mansab vakolatini suiiste’mol qilish holatlariga yo‘l qo‘ymaslik masalalari yuzasidan fikr-mulohazalar almashildi.
Shuningdek, davlat organlari, jumladan mahalliy hokimiyat idoralarida ayrim mansabdor shaxslar tomonidan sodir etilgan jinoiy xatti-harakatlar hamda ularning huquqiy oqibatlari haqida atroflicha ma’lumot berildi.
Tadbir davomida korrupsiyaga qarshi kurashish sohasida amalga oshirilayotgan ishlar, qabul qilingan normativ-huquqiy hujjatlarning mazmun-mohiyati va ahamiyati, shuningdek, jamiyatda halollik tamoyillarini mustahkamlashga qaratilgan chora-tadbirlar xususida tushunchalar berildi.
Jizzax viloyati hokimligi
Korrupsiyaga qarshi ichki nazorat shu’basi