Videoreportaj: Jizzax viloyatida Janubiy Koreya kompaniyasi bilan “Yashil makon” doirasida hamkorlik yo‘lga qo‘yildi
2026-02-27 09:30:00 / Yangiliklar
Tashrif doirasida viloyatda “Yashil makon” umummilliy dasturi asosida qator istiqbolli loyihalarni amalga oshirish yuzasidan ikki tomonlama Anglashuv memorandumi imzolandi.
Mazkur memorandum viloyatda ekologik barqarorlikni ta’minlash, qishloq xo‘jaligi samaradorligini oshirish hamda innovatsion texnologiyalarni joriy etishga qaratilgan keng ko‘lamli loyihalarni o‘z ichiga oladi.
Xususan, hamkorlik doirasida qishloq xo‘jaligi yerlarining unumdorligini oshirish, qishloq xo‘jaligi sohasiga moslashtirilgan zamonaviy dronlarni ishlab chiqarishni yo‘lga qo‘yish, chorvachilik tarmog‘ini rivojlantirish, aholiga yetkazib berilayotgan ichimlik suvi sifatini yaxshilash, yil davomida yashillikni saqlab turuvchi zamonaviy “Botanika bog‘i” hamda yangi yashil hududlarni barpo etish kabi loyihalarni amalga oshirish hamda ushbu loyihalarni Osiyo taraqqiyot banki grant mablag‘lari hisobidan moliyalashtirish ko‘zda tutilmoqda.
📹 Batafsil videolavhada tomosha qiling.