Forish tuman hokimligida korrupsiyaga qarshi o‘quv seminari o‘tkazildi
2026-02-17 08:00:00 / Yangiliklar
Seminar doirasida 2026-yilda etika va korrupsiyaga qarshi kurashish sohasida bilim va ko‘nikmalarni oshirishga qaratilgan mashg‘ulotlar o‘tkazildi. Unda korrupsiyaga murosasiz munosabatni shakllantirish, unga qarshi samarali kurashish hamda bunday holatlarning oldini olish masalalari yuzasidan fikr-mulohazalar almashildi.
Shuningdek, davlat organlari, jumladan mahalliy hokimiyat idoralarida ayrim mansabdor shaxslar tomonidan sodir etilgan jinoiy xatti-harakatlar va mansab vakolatini suiiste’mol qilish bilan bog‘liq salbiy holatlar haqida ma’lumot berildi.
Tadbir davomida korrupsiyaga qarshi kurashish sohasida amalga oshirilayotgan ishlar, qabul qilingan normativ-huquqiy hujjatlarning mazmun-mohiyati va ahamiyati, shuningdek, ushbu illatni bartaraf etishga qaratilgan chora-tadbirlar xususida tushunchalar berildi.
Viloyat hokimligi Korrupsiyaga qarshi ichki nazorat shu’basi tomonidan bunday o‘quv tadbirlari izchil davom ettirilishi ta’kidlandi.