Videoreportaj: Jizzaxlik “O‘zbekistonning eng yaxshi olimasi” nufuzli mukofotiga loyiq deb topilgan olimasi haqida
2026-01-26 08:20:00 / Yangiliklar
Olimaning bugungi kunga qadar 400 ga yaqin ilmiy ishlari e’lon qilingan bo‘lib, ular orasida darsliklar, o‘quv-uslubiy va elektron qo‘llanmalar, ilmiy maqolalar, shuningdek, ixtirolar va patentlar alohida o‘rin egallaydi.
Professor Zuhra Yaxshiyevaning ilmiy izlanishlari asosan zamonaviy kimyo fanining dolzarb yo‘nalishlari, ta’lim jarayoniga innovatsion texnologiyalarni joriy etish, hamda fan va ishlab chiqarish integratsiyasini ta’minlash masalalariga qaratilgan. Uning ilmiy ishlari nafaqat respublika miqyosida, balki xalqaro ilmiy jurnallarda ham muntazam chop etilib, keng ilmiy jamoatchilik tomonidan e’tirof etib kelinmoqda.
Olimaning ko‘p yillik samarali ilmiy va pedagogik faoliyati, yosh tadqiqotchilarni tayyorlashdagi xizmatlari hamda fan taraqqiyotiga qo‘shgan hissasi munosib baholanib, u 2024–2025-yillar davomida “O‘zbekistonning eng yaxshi olimasi” nufuzli mukofotiga loyiq deb topildi. Mazkur e’tirof professor Zuhra Yaxshiyevaning ilmiy maktabi, tadqiqotlarining dolzarbligi va amaliy ahamiyatga egaligini yana bir bor tasdiqlaydi.
📹 Batafsil videolavhada.