Koreyalik ishbilarmonlar bilan hamkorlik memorandumi imzolandi
2025-09-26 19:10:00 / Yangiliklar
Joriy yilning 24-sentabr kuni Innovatsion rivojlanish agentligida Koreya Gyeongbuk Texnoparki (GBTP) bosh direktori Seong Ha boshchiligidagi delegatsiya vakillari bilan uchrashuv bo‘lib o‘tdi. Uchrashuvda Innovatsion rivojlanish agentligi direktorining ilm-fan va innovatsiyalarga investitsiyalarni jalb qilish hamda xalqaro hamkorlikni rivojlantirish masalalari bo‘yicha maslahatchisi U.Hoshimov va boshqa mas’ullar ishtirok etdi.
Uchrashuv fikr mulohazalarga boy bo‘lib, uchrashuvda ikki tomonlama hamkorlikni rivojlantirish, hamkorlikda mutaxassislik malakasini oshirish, Koreyaning ilg‘or kompaniyalarida amaliyot o‘tash masalalari ham muhokama qilindi.
Uchrashuv davomida delegatsiya tarkibidagi “Hankyung Technics” Co., Ltd. kompaniyasi bilan Innovatsion rivojlanish agentligi tomonidan moliyalashtirilgan “Nurobod Gidrogeolog” MCHJ, shuningdek, “VERYWORDS” Co., Ltd. kompaniyasi bilan Yashnobod innovatsion texnoparki rezidenti “PRO-TOK” MCHJ o‘rtasida hamkorlik memorandumi imzolash marosimi ham bo‘lib o‘tdi. Ushbu memorandumga ko‘ra, tomonlar o‘zaro biznes tashabbuslarini amalga oshirish, qo‘shma ishlab chiqarishni yo‘lga qo‘yish va kelgusida hamkorlikni yanada rivojlantirishga kelishib oldilar.
Shuningdek, uchrashuv yakunida Innovatsion rivojlanish agentligi hamda Koreya Gyeongbuk Texnoparki (GBTP) o‘rtasida yurtimizdagi yoshlar texnoparklari infratuzilmasini rivojlantirish, ularni Gyeongbuk Texnoparki tajribasi asosida takomillashtirish, kadrlar malakasini oshirish hamda texnoparklarni rivojlantirish uchun Gyeongbuk Texnoparkidan maslahatchilar jalb etish bo‘yicha dastlabki kelishuvlarga erishildi.