“Ўзбекистон–2030” стратегиясини “Атроф-муҳитни асраш ва “яшил иқтисодиёт йили”да амалга оширишга оид давлат дастурининг ижросини таъминлаш юзасидан амалга оширилиши лозим бўлган вазифалар тўғрисида
МАЪЛУМОТ

Ўзбекистон Республикаси Президентининг 2025 йил 30 январдаги ПФ–16-сон Фармони ва у билан тасдиқланган Давлат дастурининг Ички ишлар вазирлигига тегишли бандлари ижросини таъминлаш бўйича қуйидаги ишлар амалга оширилади.

Ўзбекистон Республикаси Президентининг 2025 йил 30 январдаги ПФ–16-сон Фармони билан тасдиқланган Давлат дастури бўйича Ички ишлар вазирлигига 2 та топшириқ (амалий тадбирлар режаси) бўйича асосий ижрочи сифатида белгиланиб, уларнинг ижросини сифатли ва ўз муддатида таъминлаш мақсадида 3 та мақсадли кўрсатгичлар белгиланган.

Шундан, ИИВ Тергов департаменти 1 та банд амалий тадбирлар режаси асосий, унинг ижросини таъминлаш бўйича 1 та банд мақсадли кўрсаткичлар, ИИВ ЖХД Йўл ҳаракати хавфсизлиги хизмати 1 та банд амалий тадбирлар режаси асосий, унинг ижросини таъминлаш бўйича 2 та банд мақсадли кўрсаткичлар.

I. Фармонинг 10-илова 20-бандида (амалий тадбирлар режаси)

Автомобиль йўлларида транспорт воситаларини эркин ва хавфсиз ҳаракатланишини таъминлаш мақсадида Республика бўйича барча тартибга солинган чорраҳаларга интеллектуал транспорт тизимларини ўрнатиш
ва ягона рақамли бошқарув тизими жорий этиш вазифаси юклатилган. Муддат 2025 йил давомида.

Ушбу банд ижроси юзасидан 2025 йил 20 мартда Йўл ҳаракати хавфсизлиги хизмати билан “Telecom soft” МЧЖнинг ҳамкорликдаги 2025 йил якунига қадар автомобиль йўлларида транспорт воситаларининг эркин
ва хавфсиз ҳаракатланишини таъминлаш, Республика бўйича барча тартибга солинган чорраҳаларга интеллектуал транспорт тизимларини ўрнатиш ва ягона рақамли бошқарув тизими жорий этиш доирасида, автомобиль йўлларида йўл ҳаракати қоидалари бузилишини аниқлайдиган махсус автоматлаштирилган фото ва видео қайд қилиш комплекс дастурий-техник воситалари, ақлли светофорлар ва қоидабузарликларни қайд этишга мўлжалланган замонавий техник воситаларни босқичма-босқич ўрнатиш бўйича Режа жадвал тасдиқланди.

Режага асосан, жорий йил давомида республикадаги чорраҳаларга 1 123 та интеллектуал транспорт тизимларини ўрнатиш ва 1 125 та фото ва видео қайд этиш воситаларини ўрнатиш режалаштирилган.

Ҳозирги кунга қадар қуйидаги ишлар амалга оширилди:

344 та чорраҳаларга янги замонавий светофорлар ўрнатилди;

Маълумот учун: Тошкент шаҳар 85та, Самарқандда 128 та, Жиззахда 20 та, Андижонда 61та, Қашқадарёда 24 та, Наманганда 10 та, Бухорода 10 та, Тошкент вилоятида 6 та.

Шундан, 252 та светофорларга бошқарилувчи контроллерлар ўрнатилиб, интеллектуал транспорт тизимлари ишга туширилди;

Маълумот учун: Тошкент ш 57 та, Тошкент вил 7 та Самарқанд 61 та, Жиззах 20 та, Андижон 61 та, Қашқадарё 26 та, Наманган 10 та, Бухоро 10 та.

244 та чорраҳага қоидабузарликларни аниқловчи камералар ўрнатилди;

Маълумот учун: Тошкент ш 51 та, Тошкент вил 14 та Самарқанд 50 та, Жиззах 20 та, Андижон 61 та, Қашқадарё 26 та, Бухоро 11 та, Наманган 11 та;

153 та чорраҳадаги камералар синов режимига ўтказилди;

Маълумот учун: Тошкент ш 10 та, Тошкент вил 15 та, Жиззах 8 та, Бухоро 11 та, Самарқанд 56 та, Андижон 11 та, Қашқадарё 31 та, Наманганда 11 та.

179 та чорраҳадаги камералар эса тўлиқ ишга туширилди;

Маълумот учун: Тошкент ш 29 та, Тошкент вил 7 та Самарқанд 36 та, Жиззах 19 та Андижон 57 та, Бухоро 10, Қашқадарёда 20 та, Наманганда 1 та.

Ҳозирда 247 та чорраҳада қурилиш ишлари олиб борилмоқда;

Маълумот учун: Тошкент шаҳрида 57 та, Фарғона вилояти 21 та, Бухоро вилояти 51 та,  Хоразм вилояти 24 та, Сирдарё вилояти 15 та,  Қашқадарё вилояти  2 та, Андижон вилояти 12 та, Навоий вилояти 18 та, Самарқанд вилоятида 31 та,  Қорақалпоғистон Республикасида 16 та

II. Фармоннинг 10-илова 21-банди (амалий тадбирлар режаси)

Фармоннинг 10-илова 21-бандида Тергов фаолияти устидан назоратни электрон шаклда олиб бориш имконини берувчи рақамлаштирилган тизим яратиш вазифаси юклатилган. Муддат 2025 йил ноябрь.

Топшириқ ижросини таъминлаш мақсадида қуйидагилар амалга оширилган:

 Жумладан, Ички ишлар вазири ўринбосарлари З.К. Курбанов ва Р.А. Ашропов, “Uzinfocom” Ягона интегратор – Корпоратив тизимларни ишлаб чиқиш ва жорий этиш бўйича директори Т.М. Мадрахимов ҳамда мутахассислар иштирокида тезкор йиғилиш ўтказилиб, тизимни яратиш учун бир қатор устувор йўналишлар белгилаб олинган.

Тергов департаменти ва мутахассислар иштирокида ташкил этилиши режалаштирилган тизимнинг схемаси тузилиб, концепцияси ишлаб чиқилган. ИИВ ҳамда Uzinfocom масъул ходимлари томонидан тизимнинг техник топшириғи ишлаб чиқилиб, тизимни яратувчи ташкилот бўйича ишлар амалга оширилиб, сарф харажатларни аниқлаш бўйича бозор нархи ўрганилган.

02.03.2025 йилда «E-Tergov» ахборот тизимининг концепцияси келиб чиқиб, тизимни яратишга кетадиган сарф харажатлар миқдорини ҳисоб-китоб қилиш мақсадида Uzinfocom МЧЖ билан алоқа хатлари алмашилган.

«E-Tergov» ахборот тизимида почта жўнатмаларини электронлаштириш ҳамда процесс иштирокчиларига юборилиши лозим бўлган хат ва хабарларни онлайн юбориш мақсадида “Ўзбекистон почтаси” АЖ билан интеграция ишларини амалга ошириш мақсадида 25.04.2025 йилда алоқа хати юборилган.

Вазирлик раҳбарияти ҳамда ахборотлаштириш бозоридаги таклифларни инобатга олиб, «E-Tergov» ахборот тизими ишлаб чиқиш “Telecom soft” МЧЖ билан келишилиб, «E-Tergov» ахборот тизимининг техник топшириғи ишлаб чиқилиб, ИИВ соҳавий хизматлари билан келишилиб, имзоланган.

Жиноят ишлари бўйича маълумотларни тўлиқ олиш мақсадида “Электрон ҳукумат” тизимининг идоралараро интеграциялашув платформасига уланиш мақсадида Вазирлик раҳбарияти номидан ариза имзоланиб юборилган.

«E-Tergov» тизимини суд ва прокуратура органлари билан интеграция қилиш масаласи бўйича йиғилишлар ўтказилиб, амалга оширилиши лозим бўлган вазифалар белгилаб олинган.

Бош прокуратура томонидан ишлаб чиқилган “Рақамли прокуратура 2030” Ўзбекистон Республикаси Президентининг Фармони лойиҳасига кўра, тергов органлари устидан назоратни амалга оширишга ёрдам берадиган ҳамда электрон жиноят ишини ўз ичига қамраб олган ахборот тизимини яратиш режалаштирилганлиги, шу боис, келгусида тизимлар ўртасидаги қарама-қаршиликларни ҳамда пул маблағларини беҳуда сарфланишини олдини олиш мақсадида ИИВ ҳамда Бош прокуратуранинг масъул ходимлари учрашиб, ахборот тизимини ҳамкорликда ишлаб чиқиб, тергов органларига жорий этиш белгиланди.

Шунга асосан, 25.08.2025 йилда Бош прокуратура ҳамда ИИВ раҳбарияти томонидан «E-Tergov» ахборот тизимининг янги техник топшириғи тасдиқланиб, ўрнатилган тартибда ДХХ Киберхавфсизлик маркази ДУКдан экспертизадан ўтказишлик учун юборилган.

ИИВ ва Бош прокуратура томонидан «E-Tergov» ахборот тизимини ҳамкорликда ишлаб чиқиш бўйича Ўзбекистон Республикаси Президент Администрациясига 12.09.2025 йилда ахборот хати киритилган.

«E-Tergov» ахборот тизими Бош прокуратуранинг ташаббуси билан прокуратура органларининг дастурчилари томонидан ишлаб чиқилиб, тергов фаолиятнинг хусусиятларидан келиб чиқиб, Бош прокуратуранинг серверларида жойлаштирилишига келишилди.

Ҳозирда амалга оширилган ишлар юзасидан Ўзбекистон Республикаси Вазирлар Маҳкамасига ахборот хати киритилиб, ijro.gov.uz ахборот тизимидан Давлат дастурининг мазкур бандини назоратдан олиш учун зарурий маълумотлар киритилган.

III. Фармонинг 12-илова 22-банди (мақсадли кўрсаткичлар)

Фармоннинг 12-илова 22-бандида судлар ҳамда тергов органлари фаолиятида айрим процессуал ҳаракатларни масофадан туриб амалга ошириш имкониятларини 2025 йил якунига қадар 1 баробарга ошириш вазифаси юклатилган. Муддат 2025 йил давомида.

Ушбу банд ижроси бўйича “Электрон жиноий-ҳуқуқий статистика ахборот тизимининг” “Процессуал мажбурлов чоралари” платформаси орқали терговчи ва суриштирувчилар томонидан жиноят ишлари бўйича гумон қилинувчи ва айбланувчиларга нисбатан “қамоққа олиш” тарзидаги эҳтиёт чорасини қўллаш бўйича илтимосномани суд органларига электрон тарзда юбориш имконияти яратилди.

Бу орқали шахсга нисбатан эҳтиёт чорасини танлаш процессуал ҳаракатини масофадан ўтказиш имконияти яратилиб, бугунги кунга қадар ушбу тизим орқали 16 281 та та илтимосномалар юборилди.

Маълумот учун: Тошкент шаҳрида – 3 810 та, Тошкент вилоятида – 2 215 та, Самарқандда – 1 887 та, Фарғонада – 1 309 та, Наманганда – 1 201 та, Андижонда – 1 096 та, Сурхондарёда – 797 та, Қашқадарёда – 758 та, Бухорода – 655 та,
Навоийда – 491 та, Хоразмда – 482 та, Қорақалпоғистон Республикасида – 447 та, Сирдарёда – 429 та, Жиззахда – 365 та, Тергов департаментида – 246 та, Транспортда – 93 та.

IV. Фармонинг 12-илова 23-бандида (мақсадли кўрсаткичлар) Аҳоли пунктларида икки ва ундан ортиқ полосали тартибга солинмаган пиёдалар ўтиш йўлакларини 2025-йил давомида 20 фоиз миқдорини светофорлар билан тўлиқ жиҳозлаш белгиланган. Муддат 2025 йил якунига қадар.

Тошкент ва Нукус шаҳарлари, вилоятлар, туман (шаҳар)лар марказларидаги кўчалар, шунингдек, умумий фойдаланишдаги автомобиль йўлларининг ушбу туман (шаҳар)лар марказлари чегараси ичидан ўтган ҳудудий эксплуатация-монтаж бўлинмалари хизмат кўрсатиш ҳудудига қарашли 2 659 та тартибга солинмаган пиёдалар ўтиш жойлари мавжуд. Шундан, 2024 йилда 978 та тартибга солинмаган пиёдалар ўтиш жойлари (чорраҳалардаги пиёдалар ўтиш жойлари билан) светофор қурилмалари билан жиҳозланган.

Ўзбекистон Республикаси Вазирлар Маҳкамасининг 2024 йил 30 ноябрдаги “Йўл ҳаракати қоидаларига пиёдалар хавфсизлигини таъминлашга қаратилган ўзгартириш ва қўшимчалар киритиш тўғрисида” 805-сон қарори талаблари асосида шаҳар ва туманлар марказидаги 320 та тартибга солинмаган пиёдалар ўтиш жойларида “Баланд пиёдалар ўтиш жойлари” (Қавариқ) ташкил қилиш белгиланган,шундан, 320 та тартибга солинмаган пиёдалар ўтиш жойларида “Баланд пиёдалар ўтиш жойлари” ташкил қилинди.

Шаҳар ва туманлар марказидаги қолган 1 361 та тартибга солинмаган пиёдалар ўтиш жойларининг 20 фоизи, яъни 272 таси 2025 йил давомида светофор қурилмалари билан жиҳозланиши режалаштирилган бўлиб, жорий йилнинг ўтган даврида 240 та (чорраҳалардаги пиёдалар ўтиш жойлари билан) тартибга солинмаган пиёдалар ўтиш жойлари светофор қурилмалари билан жиҳозланди.

IV. Фармонинг 12-илова 27-бандида (мақсадли кўрсаткичлар)
2025 йил якунига қадар Жиддий оқибатлар билан боғлиқ йўл-транспорт ҳодисаларини камида 50 фоизга камайтиришга эришиш. Муддат 2025 йил якунига қадар.

Маълумот учун: Йўл инфратузилмасини яхшилаш мақсадида 21 266 дона янги йўл белгилари ўрнатилди, 9 262 дона яроқсиз ҳолга келганлари янгиланди, 576 дона йўл кўрсаткичлари ўрнатилди, 167 та светофор объектлари қурилди, 172 таси реконструкция қилинди, 3 млн 099 минг м² йўл ётиқ чизиқлари чизилди;

Қарама-қарши йўналишга чиқиш билан боғлиқ ЙТҲларни олдини олиш мақсадида 208 минг км муҳофаза тўсиқлар ўрнатилди.

Пиёдалар билан боғлиқ ЙТҲларни олдини олиш мақсадида 876 та мактаблар олдида тезликни чекловчи йўл белгилари, 97 та тугмачали пиёдалар светофорлар (ЭМБ томонидан) ўрнатилди, 383 км тротуар (Автойўл томонидан) қурилди, 2 980 тадан ортиқ пиёдалар ўтиш жойларида йўл чизиқлари янгиланди.

Республика бўйича 76 та авария ўчоқлари аниқланиб, улардан 67 таси бартараф этилди.

Маълумот учун: Авария ўчоқларининг юзага келишига асосан пиёдалар ўтиш жойлари ва хавфли бурилишлар ёритилмаганлиги ҳамда йўлларда муҳофаза тўсиқлар ўрнатилмаганлиги сабаб бўлган.

Болаларда йўл ҳаракати қоидалари кўникмаларини шакллантириш  мақсадида:

2 491 та мактабда йўл ҳаракати қоидалари синфхоналари, 845 та давлат мактабгача таълим ташкилотларида йўл ҳаракати қоидаларини ўргатиш майдончалари ташкил этилди.

Қўпол қоидабузарлар билан курашишга қаратилган махсус рейдларда жами 5 млн 712 минг (шундан 1 млн 616 минг қўпол) қоидабузарликлар аниқланди, 650 323 минг транспорт воситалари жарима майдонига жойлаштирилди.

Жумладан, 28 968 та автомобилни маст ҳолда бошқариш, 9 644 та қарама-қарши ҳаракатланиш, 78 245 та светофор ишорасига бўйсунмаслик, 441 625 та қоидабузар пиёдалар, 409 576 та ҳужжатларсиз бошқариш ҳолатлари аниқланди.

Йигирма ва ундан ортиқ маротаба қоидабузарлик содир этган 4 035 нафар ҳайдовчиларнинг яшаш манзилларида маҳалла фаоллари иштирокида тарғибот муҳокамалари ўтказилди.

Тошкент шаҳридаги тирбандликни олдини олиш мақсадида, 47 та чорраҳаларда светофорларнинг ёниш вақти транспорт оқимидан келиб чиқиб оптималлаштирилди, сутканинг тиғиз вақтлари юк автомобиллари ҳаракати чекланди, пойтахтнинг 27 та муаммоли чорраҳалари бўйича лойиҳалар ишлаб чиқилди, 2 та ер ости ва ер усти пиёдалар ўтиш жойлари қуриб битказилди.

2025 йилнинг 9 ойида республикадаги жиддий оқибатлар билан боғлиқ ҳодисалари (ҳар 10 минг транспорт воситасига нисбатан ўлим билан боғлиқ йўл-транспорт ҳодисалари) сони 11,9 фоизга ёки (2,8 тадан
2,4 тага) камайишига эришилди.

Ўзбекистон Республикаси Ички ишлар вазирлиги