O‘zbеkiston Rеspublikаsi Ichki ishlаr vаzirligi

Viloyat ichki ishlar boshqarmasi rahbariyati tomonidan shahar va tuman ichki ishlar boʻlimlari, shuningdek, sohaviy xizmatlar xodimlarining xizmat faoliyati, ijtimoiy soha obyektlarining kuz-qish mavsumiga tayyorgarlik holati tizimli ravishda oʻrganilmoqda. Ushbu jarayonda aniqlangan kamchiliklarni bartaraf etish hamda joylarda amaliy yordam koʻrsatish boʻyicha zarur chora-tadbirlar koʻrilmoqda.

Jumladan, Pop tumanida oʻtkazilgan navbatdagi oʻrganishlar davomida dastlab tuman markazidagi “A.Navoiy”, “Mustaqillik”, “Paxtakor”, “H.Olimjon”, “A.Qahhor” va “Kelachi” mahallalarida tungi xizmatga jalb etilgan xodimlar bilan yoʻriqnoma oʻtkazildi. Unda tungi xizmatni samarali tashkil etish, fuqarolar osoyishtaligini taʼminlash hamda mahallalarda xavfsiz muhitni shakllantirish boʻyicha aniq topshiriqlar berildi.

Shuningdek, “Mirishkor” mahallasi hududidagi “Yangi Oʻzbekiston” massivi, “Gʻurumsaroy”, “Bogʻ”, “Yangichek”, “Ittifoq”, “Toshqoʻrgʻon” va “Tepaqoʻrgʻon” mahallalarida jamoat xavfsizligini taʼminlash va jinoyatchilikning oldini olish yoʻnalishida xizmat olib borayotgan tungi naryadlarning faoliyati ham atroflicha oʻrganildi.

Oʻrganishlar jarayonida mahallalarda xavfsiz muhitni mustahkamlash, fuqarolarning tinchligi va osoyishtaligini taʼminlash, profilaktika ishlarini yana-da kuchaytirish hamda xizmat intizomini oshirish yuzasidan tegishli koʻrsatmalar berildi.

Bundan tashqari, “Mirishkor” mahallasi hududidagi savdo va xizmat koʻrsatish obyektlarining tungi vaqtlardagi xavfsizlik chora-tadbirlari oʻrganilib, aniqlangan holatlar yuzasidan masʼullarga tegishli vazifalar yuklatildi.

Namangan viloyati IIB Axborot xizmati