Qashqadaryo viloyati IIB tizimlarida xizmat qilayotgan yosh xodimlarning kitob oʻqish va kitobxonlik salohiyatini yuksaltirish maqsadida “Ajdodlar izidan” nomli intellektual tanlov oʻtkazildi
2024-04-19 11:10:00 / Yangiliklar
Mamlakatimizda ichki ishlar organlari xodimlari, yosh harbiy xizmatchilar va kursantlarning milliy davlatchiligimizning vujudga kelishi va taraqqiy topgan davrlarda harbiy sohada erishilgan yutuqlari, shon-shuhratini tarixiy dalillar asosida zamondoshlar ongi-xotirasida mustahkamlash borasida keng qamrovli ishlar amalga oshirilmoqda.
Imkon qadar keng ommaga, ayniqsa, yosh avlodning dunyoqarashi, qalbida milliy qadriyatlar ruhi, millat tamadduniga daxldorlik, ona-Vatanga mehr va sadoqat, adolat tuygʻusini har tomonlama kuchaytirish, buyuk sarkardalarimiz meros qilib qoldirgan boy jang sanʼati sirlarini oʻrganish maqsadida bir qator kitobxonlik va intellektual tanlovlar oʻtkazilmoqda.
Xususan, Qashqadaryo viloyati IIB tizimlarida xizmat qilayotgan yosh xodimlarning kitob oʻqish va kitobxonlik salohiyatini yuksaltirish maqsadida “Ajdodlar izidan” nomli intellektual tanlov oʻtkazildi.
Tadbirni boshqarma MMI va KBTX boshligʻi oʻrinbosari, podpolkovnik Shermuxammad Muslimov ochdi va ishtirokchilarga omad tiladi.
“Temur tuzuklari”, “Ufq”, “Xoʻjand qalʼasi”, “Ulugʻbek xazinasi” kabi ilmiy va adabiy tarixiy kitoblar boʻyicha oʻtkazilgan savol-javoblar bahs va munozaralarga boy kechdi. oʻtkazildi.
Intellektual oʻyini natijalariga koʻra 1-oʻrinni Sohibqiron jamoasi, 2-oʻrinni Ulugʻbek vorislari jamoasi, 3-oʻrinni Bobur izdoshlari jamoasi qoʻlga kiritdi.
Gʻoliblar boshqarma rahbariyatining diplomi va qimmatbaho sovgʻalari bilan taqdirlandi.
Qashqadaryo viloyati IIB Axborot xizmati