IIV Akademiyasida psixolog mutaxassislar va kursant qizlar ishtirokida uchrashuv boʻlib oʻtdi
2025-10-03 09:00:00 / Yangiliklar
Tadbirga Oʻzbekiston Respublikasi Din ishlari boʻyicha qoʻmitasidan mehmonlar, saf qismi ofitserlari va barcha oʻquv kurslaridan qizlar taklif qilindi.
Uchrashuv avvalida davlat va jamiyat hayotida xotin-qizlarning oʻrni, mamlakatimizda gender tenglikni taʼminlash borasida amalga oshirilayotgan islohotlar, barcha sohalar qatori ichki ishlar organlari tizimida ayol xodimlar uchun yaratilgan keng imkoniyatlar eʼtirof etildi.
Psixologlar har bir kasbning oʻziga xos jihatlari borligini taʼkidlagan holda kursant qizlarga zarur tavsiyalar berdilar.
Xususan, oʻqish jarayonida yuzaga keladigan turli psixologik omillar, ularni bartaraf etish usullari, stressni yengish, ruhiy barqarorlikni taʼminlash, chidamlilikni oshirish, nostandart vaziyatda oʻzini oʻzi boshqarish va hissiyotni jilovlash yoʻllari haqidagi foydali maslahatlar qizlarning kasbiy koʻnikmalarini oshirishga xizmat qildi.
IIV Akademiyasi Axborot xizmati