Surxondaryoda probatsiya nazorati ostida turgan shaxslar oʻrtasida “Oʻzbekiston Respublikasi Ichki ishlar vaziri kubogi” musobaqasi oʻtkazildi
2025-10-03 09:00:00 / Yangiliklar
Oʻzbekiston Respublikasi Ichki ishlar vaziri hamda Surxondaryo viloyati Ichki ishlar boshqarmasi boshligʻining tegishli farmoyishlariga muvofiq, joriy yilning 2-oktyabr kuni probatsiya nazoratida turuvchi shaxslar oʻrtasida “Oʻzbekiston Respublikasi Ichki ishlar vaziri kubogi” musobaqasi oʻtkazildi.
Nazorat ostida turgan shaxslarni ijtimoiy hayotga moslashuvini taʼminlash, sportga boʻlgan qiziqishlarini oshirish orqali ular oʻrtasida sogʻlom turmush tarzini targʻib etish maqsadida, tashkil etilgan ushbu musobaqa doʻstona shukuhda boʻlib oʻtdi.
Hakamlar tomonidan odilona baholab borilgan hamda murosasiz bahslar bilan davom etgan musobaqa yakuniy natijalariga koʻra, 3-oʻrinni Muzrabot tumani jamoasi, 2-oʻrinni Denov tumani jamoasi qoʻlga kiritgan boʻlsa, faxrli 1-oʻrinni Uzun tumani jamoasi qoʻlga kiritdi.
Sport insonda ham jismoniy, ham chinakam insoniy fazilatlar toʻgʻri shakllanib borishida, ularda oʻzgacha vatanparvarlik, yurtga va millatga sadoqat tuygʻusi shakllanishida xizmat qiladi.
Surxondaryo viloyati IIB Axborot xizmati