Oʻzbekiston va Qirgʻiz Respublikalari IIV chegaraboʻyi hamkorlik yigʻilishi boʻlib oʻtdi
2025-09-26 15:20:00 / Yangiliklar
Tadbirda ikki davlat ichki ishlar vazirlarining oʻrinbosarlari boshchiligida, sohaviy xizmat rahbarlari hamda chegaraboʻyi viloyatlarning ichki ishlar boshqarmalari boshliqlari ishtirokidagi delegatsiyalar qatnashdilar.
Yigʻilishda tomonlar hamkorlikda jinoyatchilikning oldini olish, jumladan ekstremizm, terrorizm, noqonuniy migratsiya, narkotik moddalar aylanmasi va kiberjinoyatchilikka qarshi kurash chora-tadbirlarini muhokama qilindi.
Tomonlar ikki tomonlama hamkorlikni mustahkamlash va tajriba boʻlishuvini samaradorligini oshirish, shuningdek axborot almashinuvini faollashtirish yuzasidan kelishib oldilar.
Tadbir natijalari Oʻzbekiston va Qirgʻiziston huquqni muhofaza qiluvchi organlari oʻrtasidagi hamkorlikni rivojlantirish, shuningdek chegaraboʻyi hududlarda xavfsizlik va barqarorlikni taʼminlashga qaratilgan yana bir muhim qadam boʻldi.