Odam savdosiga qarshi kurashish va munosib mehnat masalalari boʻyicha Xorazm viloyati boʻyicha hududiy komissiyasining navbatdagi yigʻilishi boʻlib oʻtdi
2025-09-24 09:00:00 / Yangiliklar
Yigʻilishda IIV masʼul xodimlari ham bevosita ishtirok etdilar.
Unda viloyat va shahar-tumanlardagi odam savdosiga qarshi kurashish va munosib mehnat masalalari boʻyicha hududiy komissiyalarning faoliyatini oʻrganish davomida aniqlangan holatlar muhokama etildi.
Xususan, Oʻzbekiston Respublikasi Prezidentining “Odam savdosiga qarshi kurashish va munosib mehnat tamoyillarini keng joriy etishga oid qoʻshimcha chora-tadbirlar toʻgʻrisida”gi 2023-yil 21-dekabrdagi PF–210-son Farmoni ijrosini taʼminlash, Odam savdosiga qarshi kurashish va munosib mehnat masalalari boʻyicha hududiy komissiyalar tomonidan amalga oshirilayotgan chora-tadbirlar tanqidiy tahlil etildi.
Mazkur yoʻnalishda, hududiy komissiyalar tomonidan amalga oshirilayotgan ishlar va bu boʻyicha tasdiqlangan yoʻl xaritasining ijrosini sifatli taʼminlash, odam savdosiga qarshi kurashish yoʻnalishidagi tadbirlarni muvofiqlashtirish, komissiyalar ishini samarali yoʻlga qoʻyish hamda mazkur yoʻnalishda olib borilayotgan chora-tadbirlarni yanada takomillashtirish boʻyicha masʼullarga tegishli topshiriqlar berildi.
Yigʻilish yakunida IIV masʼul xodimlari tomonidan odam savdosiga qarshi kurash faoliyatiga oid normativ-huquqiy hujjatlar yuzasidan seminar-trening oʻtkazildi.
Xorazm viloyati IIB Axborot xizmati