Qashqadaryo viloyat ichki ishlar boshqarmasi “Zakovat“ intellektual oʻyinida gʻolib boʻldi
2025-09-21 09:00:00 / Yangiliklar
Qarshi Harbiy aviatsiya institutida Oʻzbekiston yoshlar ittifoqi viloyat Kengashi, Qarshi harbiy prokuraturasi, Yoshlar ishlari boshqarmasi bilan hamkorlikda kuch tuzilmalaridagi yosh harbiy xizmatchi va xodimlar ishtirokida “Zakovat” intellektual oʻyini oʻtkazildi.
Tanlovda viloyatda joylashgan kuch tuzilmalaridagi harbiy qism va muassasalarning 10 ta jamoasidan 60 nafar yosh harbiy xizmatchi va xodimlar ishtirok etdi.
Qizgʻin va murosasiz kechgan tanlov natijalariga koʻra, 3- oʻrinni Qarshi harbiy aviatsiya instituti, 2 — oʻrinni “viloyat Bojxona boshqarmasi” jamoasi band etdi.
Mutlaq gʻoliblikni esa Qashqadaryo viloyat ichki ishlar boshqarmasi jamoasi egalladi.
Gʻolib jamoalar diplom va esdalik sovgʻalari bilan bilan taqdirlandilar.
Qashqadaryo viloyati IIB Axborot xizmati