Oʻzbekiston Respublikasidagi Interpol MMB turli xil jinoyatlarni sodir etganligi uchun qidiruvda boʻlgan shaxslarni ushlash va topshirishga koʻmaklashdi
2025-08-02 10:00:00 / Yangiliklar
Interpol kanallari orqali qidiruvda boʻlgan fuqarolar Birlashgan Arab Amirliklaridan Oʻzbekiston Respublikasiga keltirildi
Toshkent va Abu-Dabi Interpol Milliy Markaziy Byurosi xodimlarining uzviy hamkorligi va muvofiqlashtirishi natijasida Birlashgan Arab Amirliklaridan ogʻir jinoyatlar sodir etganlikda ayblanib, xalqaro miqyosda qidiruvda boʻlgan uch nafar fuqaro Oʻzbekiston Respublikasiga topshirildi. Ushbu fuqarolar tegishli tartibda Oʻzbekiston huquqni muhofaza qilish organlariga oʻtkazildi.
Amaldagi xalqaro kelishuvlarga asoslangan va transmilliy jinoyatchilikka qarshi kurashga qaratilgan barcha jihatlarni hisobga olgan holda, uchrashuvlar va muzokaralar davomida oʻrnatilgan ikki tomonlama aloqalar tufayli topshirilayotgan jinoyatchilar soni ortmoqda.
Yetkazib berilgan shaxslar Oʻzbekiston huquqni muhofaza qiluvchi organlari tomonidan mamlakat hududida sodir etilgan iqtisodiy va mulkiy jinoyatlarga oid ayblovlar boʻyicha qidiruv eʼlon qilingan edi.
Endi ular jinoiy javobgarlikka tortilib, sud oldida javob beradilar.
Oʻzbekiston Respublikasidagi Interpolning Milliy markaziy byurosi