OAV vakillari Toshkent shahrida voyaga yetmaganlarga ijtimoiy-huquqiy yordam koʻrsatuvchi markaz faoliyati bilan tanishdi
2025-08-01 12:05:00 / Yangiliklar
Press-tur ishtirokchilari Toshkent shahar IIBB voyaga yetmaganlarga ijtimoiy-huquqiy yordam koʻrsatish markaziga yetib kelishdi.
OAV vakillarini markaz xodimlari kutib oldi va ularning tashabbusi bilan amalga oshirilayotgan “Xavfsiz oila” loyihasini taqdimot qilishdi
Taʼkidlanishicha, hozirda poytaxtimizda 1215 ta nosogʻlom muhitda yashovchi oilalar mavjud boʻlib, ulardan 366 tasi spirtli ichimliklar isteʼmol qiluvchi, 52 nafari esa giyohvandlikka moyil ekani aniqlangan. Shuningdek, 420 ga yaqin oila ajrim yoqasiga kelib qolgan.
Loyiha doirasida shu kabi muammoli oilaning bolalari ularning ota-onalari bilan alohida ishlash tadbirlari boshlab yuborilgan. Jumladan 20 nafarga yaqin ana shunday oila bolalari markazga jalb etilgan.
Jurnalist va blogerlar markazda yaratilgan shart-sharoitlarni birma-bir koʻzdan kechirib chiqishdi. Tarbiyalanuvchilar bilan alohida suhbatlashgan holda, bu yerda tahsil olayotgan, kasb oʻrganayotgan hamda hayvonlarga gʻamxoʻrlik qilish imkoniga ega yoshlarning fikrlarini kamera xotirasiga muhrlab olishdi.
Toshkent shahar IIBB Axborot xizmati