Oʻzbekiston Respublikasi Prezidenti sovrini uchun oʻtkazilgan “Europe Open” xalqaro turnirida IIV xodimi gʻolib boʻldi
2025-07-24 22:30:00 / Yangiliklar
Joriy yilning 20–24-iyul kunlari Fransiya davlatining Parij shahrida Oʻzbekiston Respublikasi Prezidenti sovrini uchun sportning milliy kurash turi boʻyicha “Europe Open” xalqaro turniri boʻlib oʻtdi.
Ushbu nufuzli musobaqada Ichki ishlar vazirligi xodimi, safdor Alixon Nodirov 90 kg vazn toifasida munosib ishtirok etib, U Fransiya, Gruziya va Niderlandiya mamlakatlarining tajribali polvonlari ustidan gʻalaba qozonib, musobaqaning mutlaq gʻolibi boʻlib yurtimiz bayrogʻini yana bir bor xalqaro sport maydonida baland koʻtardi.
Alixon Nodirovning ushbu yutugʻi mamlakatimizda milliy sport turlarini rivojlantirishga qaratilgan eʼtiborning yaqqol namunasidir.
Bugun musobaqa gʻolibini Islom Karimov nomidagi Toshkent Xalqaro aeroportida tantanali ravishda kutib olindi.
Tadbirda uning yaqinlari, hamkasblari ishtirok etib, gʻolibga samimiy tabrik va ezgu tilaklar yoʻlladilar.