Alisher Navoiy nomidagi Toshkent davlat oʻzbek tili va adabiyoti universiteti hamda Oʻzbekiston Respublikasi Ichki ishlar vazirligi Jazoni ijro etish departamenti oʻrtasida hamkorlik memorandumi imzolandi
2025-07-01 12:15:00 / Yangiliklar
Alisher Navoiy nomidagi Toshkent davlat oʻzbek tili va adabiyoti universitetida muhim uchrashuv boʻlib oʻtdi. Unda Oʻzbekiston Respublikasi Ichki ishlar vazirligi Jazoni ijro etish departamenti rahbariyati hamda universitet rektori, ishtirok etdi.
Mazkur uchrashuvning asosiy maqsadi — universitet hamda Ichki ishlar vazirligi Jazoni ijro etish departamenti oʻrtasida oʻzaro hamkorlik memorandumini imzolash, shuningdek, ushbu tizim uchun kadrlar tayyorlash boʻyicha universitet bazasida xizmat koʻrsatish shartnomasini rasmiylashtirishdan iborat boʻldi.
Muloqot davomida psixologiya yoʻnalishida tahsil olayotgan talabalarning amaliyot bazalarini kengaytirish, penitensiar psixologiya sohasini rivojlantirish istiqbollari hamda mazkur yoʻnalishdagi hamkorlik imkoniyatlari muhokama qilindi.
Ushbu hamkorlik Oʻzbekistonda penitensiar psixologiyaning ilmiy va amaliy asoslarini mustahkamlash, shuningdek, sohaga ixtisoslashgan malakali mutaxassislar tayyorlashga xizmat qiladi.
IIV Jazoni ijro etish departamenti Axborot xizmati