“JAR” sport-sogʻlomlashtirish markazidagi bino taʼmirdan chiqarilib, birinchi va ikkinchi qavatlari IIV Jismoniy va jangovar tayyorgarlikni tashkil etish boshqarmasiga topshirildi
2024-02-23 16:45:00 / Yangiliklar
Joriy yilning 17-fevral kuni mazkur binoning ochilish marosimi oʻtkazilib, xodimlarga yaratilgan shart-sharoitlar oʻrganildi.
Boshqarma binosining birinchi qavatida test markazi va kirish foyesida ichki ishlar organlari xodimlarning sport musobaqalarida qoʻlga kiritgan sovrin va diplomlari alohida koʻrgazmali qilib joylashtirilgan.
Binoning ikkinchi qavatida boshqarmada xizmat olib boruvchi xodimlarning xizmat xonalari tashkil qilingan boʻlib, kiyinish va yuvinish xonalari hamda oshxona bilan taʼminlangan.
Ochilish marosimi hamda Jismoniy va jangovar tayyorgarlikni tashkil etish boshqarmasi binosining fotoalbomi ilova qilinib, maʼlumot tariqasida kiritilmoqda.
Joriy yili Ichki ishlar vazirligi “JAR” sport-sogʻlomlashtirish markazi hududidagi maʼmuriy bino taʼmirdan chiqarilishi munosabati bilan ochilish marosimi boʻlib oʻtdi.
Binoning birinchi va ikkinchi qavatlari Maʼnaviy-maʼrifiy ishlar va kadrlar bilan taʼminlash departamenti Jismoniy va jangovar tayyorgarlikni tashkil etish boshqarmasiga topshirildi.
Unga koʻra boshqarmaning ilk qavatida test markazi va ichki ishlar organlari xodimlarining sport musobaqalarida qoʻlga kiritgan sovrin va diplomlari alohida koʻrgazmali qilib joylashtirilganini koʻrishingiz mumkin.
Binoning ikkinchi qavatida boshqarmada xizmat olib boruvchi xodimlarning xizmat xonalari tashkil qilingan boʻlib qavat barcha shart sharoitlar bilan taʼmirlanganini koʻrishingiz mumkin.
Taʼkidlash joizki bu kabi yaratilgan barcha shart sharoitlar shubhasiz ertamiz egalari boʻlmish kelajak avlodning mukammal bilim olishi hamda har tomonlama yetuk yigit va qiz sifatida shakllanishi uchundir albatta.
IIV Maʼnaviy-maʼrifiy ishlar va kadrlar bilan taʼminlash departamenti