Interpol kanallari orqali olib borilgan hamkorlik natijasida Oʻzbekiston Interpol Milliy markaziy byurosi xodimlari tomonidan oʻta yirik miqdordagi firibgarlikda ayblanayotgan fuqaro qoʻlga olindi
2025-06-13 09:33:00 / Yangiliklar
Oʻzbekiston Interpol Milliy markaziy byurosi orqali Birlashgan Arab Amirliklarida qidiruvdagi shaxs aniqlandi va vataniga qaytarildi.
Poytaxtdagi Islom Karimov nomidagi Xalqaro aeroport hududida Milliy markaziy byuro xodimlari tomonidan Birlashgan Arab Amirliklaridan deportatsiya qilingan Oʻzbekiston fuqarosi ushlandi. U Oʻzbekiston huquqni muhofaza qilish organlari tashabbusi bilan oʻta yirik miqdordagi firibgarlikda ayblanib, xalqaro qidiruvda boʻlgan. Ushbu holat yuzasidan jinoyat ishi qoʻzgʻatilgan, ayblanuvchi chet elga qochib, tergovdan yashiringan va xalqaro qidiruvga eʼlon qilingan.
Interpol kanallari orqali BAA huquqni muhofaza qilish organlari bilan muvofiqlashtirilgan hamkorlik harakatlari natijasida, qidiruvdagi shaxs Birlashgan Arab Amirliklari hududida ushlandi va keyingi tergov tadbirlarini oʻtkazish uchun Oʻzbekiston Respublikasiga chiqarib yuborildi.
Oʻzbekiston Respublikasidagi Interpol Milliy markaziy byurosi