“Yoshlar oyligi” doirasida Andijon viloyati ichki ishlar organlarining yosh xodimlari oʻrtasida sportning “Suzish” turi boʻyicha musobaqa oʻtkazildi
2025-06-06 09:00:00 / Yangiliklar
Ichki ishlar organlarining yosh xodimlari va harbiy xizmatchilarini umummilliy maqsad – “Yangi Oʻzbekiston”ni barpo etish yoʻlida yagona kuch sifatida birlashtirish maqsadida, Ichki ishlar vazirining tegishli farmoyishiga asosan, ichki ishlar organlari tizimida joriy yilning iyun oyligi “Yangi Oʻzbekiston yoshlari, birlashaylik!” shiori ostida “Yoshlar oyligi” deb eʼlon qilindi.
Mazkur oylik doirasida ichki ishlar organlari yosh xodimlarining maʼnaviy va maʼrifiy dunyoqarashini oshirish, iqtidorli xodimlarni aniqlash, ularning boʻsh vaqtlarini mazmunli tashkil etish, ular oʻrtasida intellektual va sport oʻyinlari, turli tanlov, musobaqa hamda boshqa tadbirlar tashkil etilishi belgilangan.
Shu munosabat bilan, yosh xodimlar oʻrtasida sportning “Suzish” turi boʻyicha musobaqa oʻtkazildi.
Oʻtkazilgan musobaqa natijasiga koʻra, Qoʻrgʻontepa tumani IIB 2-son ichki ishlar boʻlinmasi Huquqbuzarliklar profilaktikasi guruhi profilaktika inspektori leytenant Fayzullo Xabibullayev 3-oʻrinni, Asaka tumani IIB 1-son ichki ishlar boʻlinmasi huquqbuzarliklar profilaktikasi guruhi profilaktika inspektori katta leytenant Sarvarbek Meliqoʻziyev 2-oʻrinni hamda Andijon shahar boʻyicha IIO FMB Tezkor-qidiruv xizmati Terrorizmga qarshi kurashish boʻlimi tezkor vakili kapitan Sherzodbek Zuxriddinov esa faxrli 1-oʻrinni egalladi.
Gʻolib va sovrindor boʻlgan xodimlar viloyat ichki ishlar boshqarmasi rahbariyati tomonidan diplom va qimmatbaho sovgʻalar bilan taqdirlandilar.
Andijon viloyati IIB Axborot xizmati