Namangan viloyati IIB majlislar zalida polkovnik Shuxrat Aliyev huzurida taqdimot yigʻilishi oʻtkazildi
2024-02-02 11:55:00 / Yangiliklar
Yigʻilishda Jamoat xavfsizligi xizmati jamoat tartibini saqlash va huquqbuzarliklar profilaktikasi boshqarmasi tomonidan 2024-yil davomida jinoyatchilikka qarshi kurashish hamda uning oldini olishga qaratilgan chora-tadbirlar yuzasidan masʼullarning taqdimoti boʻlib oʻtdi.
Dastlab, 2023-yilda amalga oshirilgan ijobiy ishlar va yoʻl qoʻyilgan kamchiliklar sarhisobi shuningdek, 2024-yildagi aniq, manzilli rejalar haqida axborot tinglandi.
Yigʻilish soʻnggida polkovnik Sh. Aliyev masʼul xodimlarga jinoyatchilik va huquqbuzarliklarni barvaqt oldini olish maqsadida aholi gavjum joylar, oʻquv muassasalari atrofida jamoat tartibini saqlash, fuqarolarni xavfsizligini taʼminlash choralarini koʻrish, yoʻl-patrul xizmati xodimlari bilan hamkorlikda haydovchilar oʻrtasida targʻibot tadbirlarini olib borish, mobil postlar tashkil etish, karantin xodimlari tomonidan bozorlarda sanitariya-epidemiologik osoyishtalik agentligi vakillari bilan hamkorlikda oziq-ovqat xavfsizligi va veterinariya-sanitariya qoidalariga amal qilinishi boʻyicha reydlar olib borish, “Obod va xavfsiz mahalla” tamoyili asosida Respublika mahallalarida xavfsiz muhitni yaratish mexanizmlarini belgilash toʻgʻrisidagi 10-sonli qoʻshma qaror doirasida manzilli ish tashkil etish, ayniqsa voyaga yetmaganlar, yoshlar va xotin-qizlar jinoyatchiligini oldini olishda ularning bandligini taʼminlash, sohaviy xizmat boshliqlariga mazkur yoʻnalishlar va chora tadbirlarini amalga oshirish hamda ijobiy natijalarga erishish yuzasidan aniq topshiriqlar berdi.
Namangan viloyati IIB Axborot xizmati